Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambylda balalarǵa qarsy jasalatyn qylmys deńgeıi 65% ósken

2021 jyldyń 6 maýsym 2021 19:38

TARAZ. QazAqparat – Tarazda jasósiprimder quqyǵyn qorǵaý jáne olardyń qaýipsizdigin qamtamasyz etý máselesi jóninde forým ótti, dep habarlaıdy QazAqparat tilshisi.

Forýmǵa qatysýshylar jasóspirimder arasyndaǵy jáne olarǵa qarsy jasalatyn qylmystardyń aldyn alý, olardyń qaýipsizdigin qamtamasyz etý, turmysy nashar otbasylarmen, qıyn balalarmen jeke jumys júrgizý máselelerin talqylady.

Oblys ákiminiń orynbasary Dáýlet Káribek óz baıandamasynda aǵymdaǵy jyldyń bes aıynyń qorytyndysy boıynsha kámeletke tolmaǵandar arasyndaǵy qylmys kórsetkishi ótken jyldyń sáıkes kezeńimen salystyrǵanda toǵyz paıyzǵa tómendegenin atap ótti.

Degenmen, kámeletke tolmaǵandarǵa qarsy jasalatyn qylmys deńgeıi 65,1 paıyzǵa ósken.

«Kámeletke tolmaǵandardy tonaý, olarǵa qarsy buzaqylyq, seksýaldyq sıpattaǵy zorlyq-zombylyq jáne 16 jasqa tolmaǵan tulǵamen jynystyq qatynasqa túsý faktileri kezdesip otyr. Balalar quqyǵyn qorǵaý boıynsha shuǵyl jáne tıimdi sharalar qabyldaý qajet», - dedi ol.

Oblysta jetim balalarǵa arnalǵan bes mekeme jumys isteıdi.

Jetim balalar men ata-anasynyń qamqorlyǵynsyz qalǵan balalardy áleýmettik qoldaýǵa baǵyttalǵan «Meıirim» jobasy aıasynda 88 demeýshi 133 tárbıelenýshiniń tálimgeri atandy.

Olardyń shotyna qazirdiń ózinde 14 mıllıon teńgeden astam qarjy jınalǵan.

Balalardyń jazǵy demalysyn uıymdastyrý máselelerine de kóńil bólindi.

Sondaı-aq, forýmda kámeletke tolmaǵandardyń isteri jónindegi komıssııa hatshylarynyń mártebesin arttyrý, ıývenaldy ınspektorlardyń materaldyq-tehnıkalyq jaǵdaıyn jaqsartý, qolaısyz jáne az qamtylǵan otbasylardaǵy balalardy tegin negizde bos ýaqytyn memlekettik-jekemenshik seriktestik sheńberinde qamtamasyz etý, kámeletke tolmaǵandar men «qolaısyz» otbasylardyń medıtsınalyq-áleýmettik esebin júrgizý boıynsha arnaıy derekter bazasyn qurý usynyldy.

Prokýratýra ókilderi ýchaskelik polıtsııa ınspektorlary jumysynyń tıimdiligin arttyrý, oqý oryndarymen ózara is-qımyldy kúsheıtý boıynsha jumys júrgizýdi usyndy.

Aıta ketý kerek, qazir bilim berý mekemelerine ıývenaldy polıtsııanyń 202 qyzmetkeri bekitilgen. Oblystyq prokýratýranyń bastamasymen kámeletke tolmaǵandar arasyndaǵy quqyq buzýshylyqtyń aldyn alý boıynsha 91 mobıldi top qurylǵan.

Shara barysynda qatysýshylarmen oblys prokýratýrasynyń bastamasymen ázirlengen «Taraz - Qaýipsiz qala» jobasynyń júzege asyrylý barysy da talqylandy.

«Memleket saıasaty balalarymyzdyń eshteńege muqtaj bolmaýyn qamtamasyz etýge baǵyttalǵan. Bul týraly Elbasy Nursultan Nazarbaev pen el Prezıdenti Qasym-Jomart Toqaev únemi aıtyp keledi. Bekitilgen keshendi josparǵa sáıkes balalar quqyǵyn qorǵaýdyń Jol kartasy aıasynda naqty sharalar júzege asýda. Bul baǵytta jumystar oıdaǵydaı oryndalýda», - dep atap ótti Berdibek Saparbaev.

Oblys ákimi ata-analar komıtetteriniń jumysyn kúsheıtýdi, mektep basshylarynyń jaýapkershiligin arttyrýdy, áleýmettik sala vedomstvolaynyń is-áreketin úılestirýdi, otbasylyq tárbıege aıryqsha kóńil bólýdi tapsyrdy.









Joǵary qaraı