Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambylda bir túnde 80-ge jýyq kámeletke tolmaǵan jasóspirim jaýapqa tartyldy

2021 jyldyń 24 maýsym 2021 02:19

TARAZ. QazAqparat – Jambyl oblysynda «Túngi qaladaǵy balalar» is-sharasynyń birinshi kúni 80-ge jýyq ákimshilik hattama toltyryldy,- dep habarlaıdy QazAqparat tilshisi.

Jambyl oblysy aýmaǵynda «Túngi qaladaǵy balalar» jedel aldyn alý is-sharasy ótýde, oǵan 14 mobıldi toptyń músheleri jumyldyryldy.

Jedel aldyn alý is-sharasynyń maqsaty kámeletke tolmaǵandar tarapynan jasalǵan quqyq buzýshylyqtar men qylmystardy anyqtaý jáne aldyn alý, quqyqqa qaıshy áreket etetin, spırttik ishimdikterdi, psıhotroptyq jáne esirtki zattaryn paıdalanatyn kámeletke tolmaǵandardy, sondaı-aq olarǵa alkogoldik ishimdikter men temeki ónimderin satatyn eresek adamdardy anyqtaý bolyp tabylady.

Mobıldi toptar oıyn-saýyq mekemelerinde zańdy ókilderiniń erip júrýinsiz júrgen kámeletke tolmaǵandardy anyqtaıdy jáne oıyn-saýyq oryndarynyń ákimshileri men ata-analarǵa qatysty ákimshilik jazalaý sharalaryn qoldanady.




«Reıdtiń alǵashqy kúni 78 ákimshilik hattama toltyryldy, onyń ishinde kámeletke tolmaǵandardyń túngi ýaqytta turǵynjaıdan tys jerde bolýy boıynsha 63 derek, zańdy ókilderiniń erip júrýinsiz túngi ýaqytta oıyn-saýyq mekemelerinde bolýyna qatysty bes hattama toltyryldy. Sonymen qatar, Qazaqstan Respýblıkasynyń aýmaǵynda tirkeýsiz nemese jeke kýáliksiz bolýy boıynsha jáne belgilenbegen jerde saýda jasaý boıynsha bes derekten tirkeldi», – dedi oblystyq PD Jergilikti polıtsııa qyzmeti basqarmasy ıývenaldy polıtsııa tobynyń aǵa ınspektory Qýanyshbek Qaljanov.


Avtor Saıa Sembaı
Basty sózder: Jambyl oblysy, Zań, Aımaq,
Joǵary qaraı