Aýa raıy
Astana 29 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Jambylda búginnen bastap monshalar men meshitter jabylyp, karantın kúshine endi

2020 jyldyń 5 shilde 2020 21:45

TARAZ. QazAqparat – Jambyl oblysy aýmaǵynda ertennen bastap qatań shekteý sharalary engiziledi, dep habarlaıdy QazAqparat tilshisi.

«Jambyl oblysy turǵyndary arasynda COVID-19 koronavırýstyq ınfektsııasynyń taralýynyń aldyn alý maqsatynda Jambyl oblysynyń bas memlekettik sanıtarlyq dárigeriniń m.a. 05.07.2020 jyly «Qatań karantındik shekteý sharalardy engizý týraly» № 28 qaýlysy qabyldandy» delingen oblys ákimi baspasóz qyzmetiniń habarlamasynda.

Atap aıtqanda, 6 shilde, saǵat 00:00-den bastap myna nysandardyń qyzmetine tyıym salynady:

- azyq-túlik sýpermarketteri men olarda ornalasqan dárihanalardy qospaǵanda, saýda ortalyqtary men saýda jelileri;

- oıyn-saýyq nysandary: karaoke, bılıard, kompıýterlik jáne túngi klýbtar, boýlıng ortalyqtary, attraktsıondar, balalar oıyn alańdary, batýttar jáne basqalar, kınoteatrlar;

- mádenı nysandar, dinı oryndar, balabaqshalar men lagerler, bilim berý ortalyqtary, banket zaldary jáne t.b;

- SPA-ortalyqtardyń, jattyǵý zaldary, fıtnes-ortalyqtary, sporttyq-saýyqtyrý ortalyqtary, basseınder, qalalyq, qoǵamdyq jaǵajaılar, ashyq akvaparkter, qoǵamdyq monshalar, saýnalar, sulýlyq salondary, shashtarazdar, kosmetıkalyq jáne kosmetologııalyq qyzmet kórsetetin ortalyqtar men salondar, manıkıýr men pedıkıýr;

- jabyq (ǵımarattarda, úı-jaılarda ornalasqan) azyq-túlik jáne azyq-túlik satpaıtyn bazarlar.

Kópshiliktiń qatysýymen, onyń ishinde úı-jaılarda is-sharalar ótkizýge tyıym salynady.

Qoǵamdyq oryndarǵa, sonyń ishinde adamdar kóp jınalýy múmkin nysandarǵa barǵan kezde turǵyndar betperde kııýge jáne antıseptıkterdi qoldanýǵa qoıylatyn talaptardy qatań saqtaýy tıis.

Saıabaqtarda, skverlerde, alańdarda jáne basqa da demalys oryndarynda saǵat 07.00-den 22.00-ge deıin serýendeýge ruqsat etiledi. Sonymen qatar, 65 jastan asqan azamattardyń jáne 3 adamnan astam toptardyń júrip-turýy shekteledi;

Qoǵamdyq kólik 07.00-den 10.00-ge deıin jáne 17.00-den 20.00-ge deıin jumys isteıdi.

Sonymen qatar, karantın kezeńinde kelesilerge ruqsat etiledi:

- aýdany 500 m²-den aspaıtyn azyq-túlik emes dúkenderdiń qyzmetine, aýdany 500 m²-den astam dúkender tek jetkizip berýmen aınalysady.

- medıtsınalyq ortalyqtar (jazylym boıynsha);

- qonaq úıler, sanatorııalyq-kýrorttyq nysandar, demalys úıleri, týrıstik bazalar;

- dárihanalar qalypty rejımde;

- azyq-túlik dúkenderi (mınımarketter, sýpermarketter, gıpermarketter) 09.00-den 20.00-ge deıin, úı mańyndaǵy dúkender 08.00-den 22.00-ge deıin;

- qoǵamdyq tamaqtandyrý obektileriniń qyzmetin tek qana ashyq aýada (jazǵy alańdar) 30 otyratyn orynnan aspaıtyn, ujymdyq is-sharalardy ótkizbeı, saǵat 09.00-den 20.00-ge deıin shyǵarý jáne jetkizý rejıminde jumys isteý múmkindigimen;

- kúsheıtilgen sanıtarııalyq-dezınfektsııalyq rejımdi saqtaı otyryp, úzdiksiz óndiristik tsıkli bar ónerkásiptik kásiporyndardyń; ashyq aýadaǵy qurylys jumystarynyń, aýyl jáne balyq sharýashylyǵynyń, mal sharýashylyǵynyń qyzmetine ruqsat beriledi;

- kúsheıtilgen sanıtarııalyq-dezınfektsııalyq rejımdi, ýaqyt boıynsha 09.00-den 18.00-ge deıin shekteýdi saqtaı otyryp, halyqqa baılanyssyz qyzmet kórsetý obektileriniń (avtomobıl jýý, avtomobılderdi, turmystyq tehnıkany jóndeý jáne basqalary) qyzmetine ruqsat beriledi;

- ýaqyt boıynsha saǵat 09.00-den 18.00-ge deıingi shekteýdi jáne kúsheıtilgen sanıtarııalyq-dezınfektsııalyq rejımdi saqtaı otyryp, bıznes-ortalyqtardyń (advokat, notarıýs, býhgalter jáne konsaltıng kórsetiletin qyzmetteri, jyljymaıtyn múlik jónindegi agenttikter, jarnama agenttikteri, sot oryndaýshylary jáne t.b.), býkmeker keńseleriniń qyzmetine ruqsat beriledi;

HQO jumysyn Egov.kz, EgovKZBot 2.0 telegram-bot arqyly aldyn ala brondaý boıynsha jumys kúnderi ýaqyt rejımin 9.00-den 15.00-ge deıin, Call ortalyqtardyń jumysy saǵat 09.00-den 17.00-ge deıin, senbi kúni saǵat 09.00-den 14.00-ge deıin al, jeksenbi jáne mereke kúnderi tyıym salý;

Kúsheıtilgen sanıtarııalyq-dezınfektsııalyq rejımdi jáne ýaqyt boıynsha saǵat 09.00-den 17.00-ge deıingi shekteýdi saqtaı otyryp jáne qyzmetti barynsha onlaın formatta kórsetý arqyly «Qazpochta» AQ-nyń jumysyn uıymdastyrý.

Qaýlynyń tolyq mátinimen oblys ákimdiginiń resmı saıtynda tanysýǵa bolady.


Avtor Qajy Murat
Basty sózder: Jambyl oblysy, Qaýipsizdik, Karantın,
Joǵary qaraı