Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Jambylda dárilik zattardy zańsyz satý boıynsha 42 fakti anyqtaldy

2021 jyldyń 20 qańtar 2021 04:35

TARAZ. QazAqparat – Jambyl oblysynda ótken jyly «Adal farm» jobasy aıasynda 167 dárihana men 32 dárilik qoımalarǵa zerdeleý jumystary júrgizilip, dárilik zattardy zańsyz satý boıynsha 42 fakti anyqtalyp, 32 ákimshilik hattama toltyrylǵan, dep habarlaıdy QazAqparat tilshisi.

Bul týraly «Adaldyq pen adamdyq qoǵam aınasy» atty onlaın kezdesýde QR Sybaılas jemqorlyqqa qarsy is-qımyl agenttigi Jambyl oblysy boıynsha departamentiniń aldyn alý jáne parasattylyq basqarmasynyń bas mamany Aıbek Ájibaev aıtyp berdi.

Spıker kezdesýde departamenttiń 2020 jyly atqarǵan jumystary men aldaǵy josparlaryna keńinen toqtaldy. Máselen, ol oblysta qalalyq, aýdandyq ákimdikterdiń 100 paıyz qyzmet kórsetýdiń servıstik úlgisine kóshkenin, «Jambyl-adaldyq alańy» jobasyna 771-den asa ótinish túskenin, «Antıkor laıf», «Adal kómek» jobalary iske qosylyp, departament janynan «Úgit» aqparattyq shtaby qurylǵanyn jáne 1042 ret tikeleı efır uıymdastyrylǵanyn atap ótti.

«Memlekettik satyp alý júıesindegi sybaılas jemqorlyq táýekelderdi anyqtaý maqsatynda jospar qaıta qaralyp, 626 mln. teńge bıýdjet qarajatynyń únemdeldi. 24 kásipkerdiń quqyqtarynyń qorǵaldy. «Sapaly jol» jobasy aıasynda 70-ke jýyq kemshiliktiń anyqtalyp, joldy zaqymdaý, shamadan tys júk tasymaldaý sııaqty quqyqbuzýshylyqtar boıynsha 16 mıllıon teńge aıyppul salyndy. Sonymen birge, bilim, densaýlyq jáne ózge de salalarda qoǵamdyq baqylaý jumystaryn júrgizip, jastardy parasattylyqta, adaldyqqa baýlıtyn is-sharalar ótip otyrady»,-dedi A. Ájibaev.


Joǵary qaraı