Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambylda qoǵamdyq kólik júrgizýshileri bir aptada jol erejesin 1000-nan asa ret buzǵan

2021 jyldyń 20 maýsym 2021 08:42

TARAZ. QazAqparat – Jambyl oblysynda «Avtobýs» jedel aldyn alý is-sharasy qorytyndylandy,- dep habarlaıdy QazAqparat tilshisi.

Oblys aýmaǵynda ótken respýblıkalyq jedel aldyn alý is-sharasynyń bir aptasynyń barysynda kóliktik baqylaý ınspektsııasynyń aýmaqtyq bólimshelerimen jáne ózge de múddeli organdardyń ókilderi birlesip, polıtsııa qyzmetkerleri jolǵa shyǵar aldynda qalalyq avtobýstardyń tehnıkalyq jaı-kúıin, júrgizýshilerdiń tirkeý qujattarynyń bar-joǵyn tekserdi.

Іs-sharany ótkizý kezeńinde oblysta qoǵamdyq kólik júrgizýshileri tarapynan jasalǵan jol qozǵalysy erejelerin buzýdyń 1 132 deregi anyqtaldy.

«155 avtobýs júrgizýshisi manevr jasaý erejelerin buzsa, 156 júrgizýshi kólik júrip kele jatqanda telefondy paıdalanǵan. Jyldamdyq rejımin arttyrýdyń- 156 deregi, jolaýshylardy, bagajdy jáne júkterdi tasymaldaý qaǵıdalaryn buzýdyń -16 deregi, kólik quralyn zańsyz qaıta jabdyqtaýdyń – 22 deregi jáne jolaýshylardy saqtandyrýsyz tasymaldaýdyń 35 deregi anyqtaldy. Sonymen qatar, tehnıkalyq aqaýlary bar avtokólikterdi jumysqa qosqany úshin avtobýs parkteriniń 14 laýazymdy tulǵasy ákimshilik jaýapqa tartyldy. 11 avtobýs aıyp turaǵyna qoıyldy», – deıdi Jambyl oblysynyń PD jergilit polıtsııa qyzeti basqarmasy bastyǵynyń orynbasary Quttybaev Jaıdar.


Avtor Saıa Sembaı
Basty sózder: Jambyl oblysy, Kólik, Aımaq,
Joǵary qaraı