Aýa raıy
Astana 5 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Jambylda koronavırýsqa shaldyqqandardyń 80 paıyzdan astamy saýyqty

2020 jyldyń 5 tamyz 2020 13:38

TARAZ. QazAqparat – Jambyl oblysynda qabyldanǵan jedel sharalardyń arqasynda koronavırýstyq ınfektsııamen kúreste birqatar oń nátıjelerge qol jetkizildi. Atap aıtsaq, atalǵan dertten saýyqqandar sany arta tústi, dep habarlaıdy QazAqparat tilshisi.

Resmı málimetterge sáıkes, 5 tamyzdaǵy jaǵdaı boıynsha Jambyl oblysynda koronavırýstyq ınfektsııanyń rastalǵan jaǵdaılarynyń sany 3724-ke jetse, búginde onyń 3019 saýyǵyp, aýrýhanalardan shyǵaryldy. Bul jalpy tirkelgen jaǵdaılar sanynyń 81 paıyzyn quraıdy. Kún saıyn 70-ke jýyq naýqas statsıonarlardan shyǵarylýda.

«Sońǵy aptada ınfektsııalyq statsıonarlar men provızorlyq statsıonarlardaǵy naýqastar sany 15,4 paıyzǵa, reanımatsııa bólimshelerinde 24 paıyzǵa azaıdy», - deıdi densaýlyq saqtaý basqarmasy basshysynyń orynbasary Hamıt Myrzaqasymov.





Infektsııalyq jáne provızorlyq statsıonarlardaǵy patsıentter qajetti dárilik preparattarmen qamtamasyz etilgen.

«SK-Farmatsııa» JShS-men birlese otyryp, 7,6 mlrd teńgeniń dári-dármekteri jetkizilgen. H. Myrzaqasymov oblystyq medıtsınalyq mekemelerde dári-dármekterdiń bir aılyq qory qalyptasqanyn aıtady. Aýrýhanalarda 476 ottegi kontsentratory, 167 ÓJJ apparaty bar. Maýsym aıymen salystyrǵanda ÓJJ apparattarynyń sany 30 paıyzǵa, ottegi kontsentratorlarynyń sany 70% - ǵa artty.





«Dárigerler aýrýhanadan shyqqannan keıin de naýqastardyń jaǵdaıyn baqylaýdy jalǵastyrýda. Olarǵa bul iste emhanalar bazasynda qurylǵan mobıldi toptar kómektesýde. Top músheleri shyǵarylǵan emdelýshilerdiń jaǵdaıyn tekserip, qajetti kómekter kórsetedi», - deıdi basqarma basshysynyń orynbasary.

Sonymen qatar, atalǵan mobıldi toptar úı karantınindegi turǵyndardy da qadaǵalaıdy. Oblys boıynsha barlyǵy 214 mobıldi top jumys isteıdi desek, olardyń quramyna 642 maman engen.





«Qazirgi tańda epıdemıologııalyq jaǵdaıdyń turaqtaný úrdisi baıqalýda. Ótken aptada koronavırýs aýrýy 1,2 ese, pnevmonııa-2,6 ese tómendegen. Al, jedel járdem shaqyrý qońyraýlar sany 11,4 paıyzǵa azaıǵan.

Búginde koronavırýstyq pandemııanyń ekinshi tolqynyna qyzý daıyndyq jumystary júrgizilýde. Qosymsha taǵy 1600 provızorlyq jáne ınfektsııalyq tósek oryndaryn ashý, úsh aılyq dári - dármek qoryn qalyptastyrý josparlanýda», - dep túıindedi H.Myrzaqasymov.





Joǵary qaraı