Aýa raıy
Astana -9 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

Jambylda qoıshydan 15,5 keli marıhýana tárkilendi

2020 jyldyń 26 qarasha 2020 07:18

TARAZ. QazAqparat – Jambylda 62 jastaǵy qoıshydan 15,5 keli marıhýana tárkilendi, dep habarlaıdy QazAqparat tilshisi.

Jambyldyq polıtseıler «Dopıng» is-sharasy barysynda esirtki qylmysynyń 30 deregin anyqtady. Bul týraly oblystyq polıtsııa departamentiniń baspasóz qyzmeti habarlady.

«20 qarashada Aqyrtóbe aýylynyń mańyndaǵy jaıylymda qoı baǵyp júrgen Jambyl oblysynyń 62 jastaǵy turǵyny ustaldy, odan 15 keli 500 gramm keptirilgen marıhýana tabylyp, tárkilendi. Bul faktige qatysty Qylmystyq kodekstiń 296-baby 4-bóligi boıynsha sotqa deıingi tergeý júrgizilip jatyr. Kúdikti óz kinásin moıyndady jáne qamaýǵa alyndy», - delingen habarlamada.

Budan basqa Jambyl oblysynda ornalasqan 15 dárihana, 18 dári qoımasy, 6 emdeý mekemesi, 3 óndiristik kásiporyn tekserildi.

Polıtsııa qyzmetkerleri zańsyz aınalymnan 2 keli gashısh, 22 keli marıhýana, quramynda esirtki jáne psıhotroptyq zattary bar 1 480 ampýla tárkiledi.



Joǵary qaraı