Aýa raıy
Astana 17 °S
Almaty 29 °S
valıýta baǵamy
USD 412.55
EUR 468.66
RUB 5.79
CNY 58.80

Jambylda kúresten Jaqsylyq Úshkempirov atyndaǵy halyqaralyq týrnır ótedi

2020 jyldyń 25 maýsym 2020 20:44

TARAZ. QazAqparat – Jambyl oblysynyń ákimi Berdibek Saparbaev M.H.Dýlatı atyndaǵy TarMÝ-de óńirden shyqqan ataqty sport sańlaqtarymen kezdesti, dep habarlaıdy QazAqparat tilshisi.

Jyly shyraıda ótken kezdesýde qatysýshylar jambyldyq sportshylardyń tolaǵaı jetistikterin tilge tıek etip, óńir sportyn odan ári damytý boıynsha usynystaryn ortaǵa saldy. Sondaı-aq bolashaq josparlaryn bólisti.

Berdibek Saparbaev chempıondarǵa qajyrly eńbegimen óńirimizdiń atyn asqaqtatyp júrgeni úshin alǵys aıtty.

Berdibek Saparbaev sportshylarymen jaqsy jańalyqty bólisip, «Taraz-Arena» sport saraıynyń janynan boı kóteretin muz aıdyny, jeńil atletıka maneji, tennıs korty qurylysy týraly aıtty. Jalpy, bıyl oblysta 13 sport nysany men 92 alańsha salynady.

«Qazirgi tańda turǵyndardyń 30 paıyzdan astamy dene shynyqtyrý jáne sportpen shuǵyldanady. Jańa sport nysandary bul kórsetkishti arttyra túsýge yqpal etedi dep oılaımyn»,- dedi aımaq basshysy.

Búginde oblys ákiminiń tapsyrmasy boıynsha barlyq mektepterdiń sport zaldary retke keltirilip, oqýshylarǵa bos ýaqytta jáne demalys kúnderi sportpen aınalysýǵa jaǵdaı jasalǵan. Barlyq aýlalar sport alańshalarymen, barlyq aýdan ortalyqtary sport keshenderimen qamtamasyz etiletin bolady.

Jastardy sportqa tartý úshin aımaq basshysy aýqymdy týrnırler ótkizýdi usyndy. Kezdesýde bıyl Olımpıada chempıony, Qazaqstannyń Eńbek Eri, Jambyl oblysynyń týmasy Jaqsylyq Úshkempirov atyndaǵy halyqaralyq kúres týrnırin ótkizý ıdeıasy aıtyldy.

«Osydan týra 40 jyl buryn, sporttyń tiri ańyzy Jaqsylyq Úshkempirov Olımpıada oıyndarynda jeńiske jetken alǵashqy qazaq atandy. Dástúrli túrde ótetin týrnır osy aıtýly dataǵa arnalýy kerek», - dedi Berdibek Saparbaev.

Qazaqstan sportynyń juldyzy aımaq basshysyna qurmeti úshin alǵys bildirdi.

«Jas sportshylar osyndaı týrnırlerge qatysyp, úlken tájirıbe jınaqtaıdy. Olar úshin týrnırdegi jeńis sporttyq Olımptiń tramplınine aınala tússin», - dedi Jaqsylyq Úshkempirov.

Sondaı-aq, ol sportshylar árqashan memlekettiń qoldaýyn sezinetinin aıryqsha atap ótti. Óz kezeginde buny Paralımpıada chempıony Zýlfııa Gabıdýllına da rastady.

«Erekshe qajettiligi bar adamdarǵa súıikti sport túrimen shuǵyldanýǵa barlyq jaǵdaı jasalǵan. Endi olardy ońaltýǵa nazar aýdarý kerek. Bul máseleni sheshýdiń bir joly - sport-saýyqtyrý keshenin salý»,-dedi ol.

Aımaq basshysy onyń usynysyn qoldap, bul máseleni mindetti túrde qarastyrýǵa ýáde berdi.


Avtor Qajy Murat
Basty sózder: Aımaq, Ákimdik, Ákim, Jambyl oblysy, Sport,
Joǵary qaraı