Aýa raıy
Astana -18 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Jambylda polıtsııa basshylyǵy 150-den asa adamdy qabyldaǵan

2020 jyldyń 27 qarasha 2020 09:25

TARAZ. QazAqparat – Jambyl oblysy polıtsııa departamentiniń bastyǵy azamattardy onlaın qabyldady, dep habarlaıdy QazAqparat tilshisi.

QR ishki ister mınıstrliginiń azamattardy biryńǵaı qabyldaý kúni aıasynda Jambyl oblysy polıtsııa departamentiniń bastyǵy, polıtsııa general-maıory Janat Súleımenov onlaın rejımde qabyldaý ótkizdi.

Ótkizilgen sharanyń negizgi maqsaty - halyqpen keri baılanysty qamtamasyz etý, ózekti máselelerdi sheshý, sondaı-aq azamattardyń polıtsııaǵa senimin arttyrý. Bul týraly atalǵan departamenttiń baspasóz qyzmeti habarlady.

«PD basshylyǵy qabyldaýǵa jazylǵan barlyq azamattardy qabyldady. Ótinish bildirgenderdiń negizgi máseleleri mal urlyǵyn ashýmen, muragerlikpen baılanysty qujattardy qoldan jasaý týraly is boıynsha talqylaýmen, ákimshilik quqyq buzýshylyq týraly hattamamen kelispeýmen baılanysty boldy. Barlyq ótinishter boıynsha qyzmet basshylaryna naqty tapsyrmalar berildi. Qosymsha tekserýdi qajet etetin shaǵymdardy Janat Súleımenov jeke baqylaýyna aldy. Materıaldardy zerdeleý aıaqtalǵannan keıin tıisti sharalar qabyldanyp, nátıjeleri týraly ótinish berýshilerge qosymsha habarlanatyn bolady»,-delingen vedomstvo habarlamasynda.

Aıta keteıik, jyl basynan beri oblystyq polıtsııa departamentiniń basshylyǵy 157 azamatty qabyldasa, onyń ishinde departamenttiń bastyǵy jeke 95 adamdy qabyldap, ótinish-usynystaryna qulaq asqan.








Joǵary qaraı