Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jambylda Sýrdlımpıada oıyndarynyń júldegerlerine páter berildi

2022 jyldyń 26 mamyr 2022 12:00

NUR-SULTAN. QazAqparat – Brazılııanyń Kashıas-dý-Sýl qalasynda ótken XHІV jazǵy Sýrdlımpıada oıyndaryna Ulttyq qurama sapynda Jambyl oblysynan 13 sportshy qatysqan bolatyn. Olar el qorjynyn 11 medalmen tolyqtyrdy. Aımaq basshysy Nurjan Nurjigitov júldegerlermen kezdesip, páter sertıfıkattaryn tabystady, dep habarlaıdy QazAqparat oblys ákiminiń baspasóz qyzmetine silteme jasap.

Erkin kúresten 2-oryn ıelengen Ǵabıt Esjanov pen Ǵasyr Turǵynbaıǵa, jáne dzıýdodan 2-oryndy jeńip alǵan Anna Kramorovaǵa 2 bólmeli páterdiń sertıfıkaty berildi. Al, taekvondodan 3-oryn ıelengen Oljas Rysjanovqa, grek-rım kúresinen 3-oryn alǵan Asan Nurjanǵa, dzıýdodan 3-oryn alǵan Ferıde Kara oglyǵa 1 bólmeli páterdiń sertıfıkaty tapsyryldy.

Sondaı-aq, dzıýdo, grek-rım, erkin kúresterinen jáne jeńil atletıka men júzýden túrli oryndardan kóringen sportshylar Aıdos Túgelbaev, Evelına Egemberdıeva, Abzal Dosjanov, Shyńǵyshan Áldıbaev, ıAna Sıbırıakova, Rýslan Raımbekov, Sofıa Zakýtnaıaǵa estelik syılyqtar berildi.

Sonymen qatar, jattyqtyrýshylar Ernazar Qonysbaev (erkin kúresten), Aleksandr An (taekvondo), Rınat Ismaılov (grek-rım kúresi), Askar Ýsýbalıevke (júzý) jáne sportshylarǵa Alǵys hattar men arnaıy sertıfıkattar tabystaldy.







Aımaq basshysy el namysyn laıyqty qorǵap, nátıjeli óner kórsetken sportshylardy quttyqtap, rızashylyǵyn jetkizdi. Jattyqtyrýshylarynyń da zor úlesin aıryqsha atap ótti. Sondaı-aq, oblystyń sport salasynda atqarylyp jatqan jumystar men oń kórsetkishterge, bul baǵytta Memleket basshysynyń tapsyrmasyna sáıkes aýqymdy qoldaýlar kórsetilip jatqanyna nazar aýdardy.




Óz kezeginde jattyqtyrýshylar men sportshylar yqylas bildirgen oblys basshylyǵyna rızashylyqtaryn aıtyp, arnaıy jataqhana, sport keshenin salý boıynsha usynystaryn jetkizdi.
















Aıta ketsek, XHІV jazǵy Sýrdlımpıada oıyndarynda Qazaqstan Ulttyq quramasynyń 65 oıynshysy sporttyń 9 túrinen el namysyn qorǵady. Jalpy medaldik esepte 73 eldiń arasynda Ulttyq qurama 13-orynǵa turaqtady.
Basty sózder: Ákimdik, Sport, Jambyl oblysy,
Joǵary qaraı