Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambylda zańsyz aınalymnan  2 tonnadan astam esirtki zattary shyǵaryldy

2021 jyldyń 7 qyrkúıek 2021 14:59

TARAZ. QazAqparat – Jambyl oblysynda bıylǵy segiz aıda esirtkige baılanysty 481 qylmys deregi anyqtaldy, - dep habarlaıdy QazAqparat tilshisi.

Jambyl oblysynyń Polıtsııa departamenti Esirtki qylmysyna qarsy is-qımyl basqarmasynyń qyzmetkerleri segiz aıda esirtkige baılanysty 481 qylmys deregin anyqtady.

Onyń ishinde: esirtki satý deregi – 87, asa iri mólsherde esirtki saqtaýdyń – 52 deregi, esirtki, psıhotroptyq nemese ýly zattarmen jumys isteý erejelerin buzýdyń bir deregi, 308 – qylmystyq teris qylyqtar, esirtki zattary kontrabandasynyń 13 jáne quramynda esirtki zattar bar ósimdikterdi zańsyz ósirýdiń 20 deregi anyqtalyp, 545 túp joıylǵan.

«Zańsyz aınalymnan 2 tonna 4 keli túrli esirtki quraldary, onyń ishinde 1 tonna 924 keli marıhýana, 79 keliden astam gashısh, 797 gr geroın jáne 24 gramnan astam sıntetıkalyq esirtki quraldary alyndy. Sonymen qatar, Jambyl oblysy aýmaǵynda 550 ga jerdi aýdarý, shabý, órteý jolymen 40 tonnadan astam jabaıy qarasora joıyldy», – dep habarlady Jambyl oblysynyń Polıtsııa departamenti Esirtki qylmysyna qarsy is-qımyl basqarmasynyń bastyǵy Asqar Jumabekov.


Joǵary qaraı