Aýa raıy
Astana -7 °S
Almaty -3 °S
valıýta baǵamy
USD 388.81
EUR 429.01
RUB 6.08
CNY 55.49

Jambylda jyl basynan beri 2,5 tonna esirtki tárkilengen

2019 jyldyń 20 qazan 2019 18:53

TARAZ. QazAqparat – Jambyl oblysynda jyl basynan beri «Kóknar-2019» jedel-aldyn alý is-sharasy barysynda zańsyz aınalymnan 2,5 tonna ártúrli esirtki zattary tárkilendi, dep habarlaıdy QazAqparat tilshisi.

Jalpy bıyl óńirde esirtkige qatysty 666 derek tirkelgen. Oblystyq polıtsııa departamentiniń esirtki qylmysyna qarsy is-qımyl basqarmasynyń bólim basshysy Qanat Belgibaevtyń aıtýynsha, tárkilengen 2,5 tonna esirtkiniń 6 keliden astamy geroın, 141 keliden astamy gashısh bolǵan. Sondaı-aq, qalǵany túrli deńgeıdegi esirtki zattary. Qylmystyq is bitken soń esirtki tolyǵymen joıylady.

«Bizdiń basqarmanyń qyzmetkerleri belsendi júrgizgen sharalar nátıjesin berýde. Onyń bir dáleli retinde aıta keteıin, jýyrda Shý aýdanyndaǵy Jańajol aýylynyń 40 jastaǵy turǵynynan 56 keliden astam keptirilgen marıhýana tárkiledik. Esirtki ótkizýshi ashrondy (esirtki saqtaý ornyn) qazý kezinde jalpy salmaǵy 56 keli 800 gramm bolatyn «keptirilgen marıhýana» esirtki zaty bar tórt qap tabyldy», - deıdi Qanat Belgibaev.

Búgingi tańda oblys aýmaǵynda «Kóknar-2019» jedel-aldyn alý is-sharasy boıynsha jumystar jalǵasýda.

Joǵary qaraı