Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jambylda zorlyqpen óltirilgen áıeldiń máıiti tabyldy

2022 jyldyń 20 mamyr 2022 11:56

TARAZ. QazAqparat – Jambyl oblysynda órt qoıylǵan úıden zorlyq-zombylyqtyń belgileri bar áıeldiń máıiti tabyldy, dep habarlaıdy QazAqparat tilshisi.

2022 jylǵy 18 mamyrda saǵat 23:28-de 102 pýltine belgisiz er adamnyń úıge kirip, pyshaqpen qorqytqany týraly habarlama kelip túsken.

Atalǵan mekenjaıǵa kelgen polıtseıler úıdiń ishinde órt bastalǵanyn anyqtady jáne oqıǵa ornyna dereý órt sóndirýshilerdi shaqyrǵan.

«Jatyn bólmede zorlyq-zombylyqtyń belgileri bar 57 jastaǵy áıeldiń máıiti tabyldy. Atalǵan derek boıynsha Qylmystyq kodekstiń 99-baby 1-bóligimen sotqa deıingi tergeý amaldary júrgizilýde»,-delingen polıtsııa departamentiniń habarlamasynda.

Jedel-izdestirý is-sharalarynyń nátıjesinde polıtsııa qyzmetkerleri osy qylmysty jasady degen kúdikpen 32 jastaǵy Taraz qalasynyń turǵynyn anyqtap, ustady.

Barlyq qajetti saraptamalar taǵaıyndaldy. Oqıǵanyń mán-jaıy anyqtalýda.

Eske sala keteıik, buǵan deıin Jambyl oblysynda osydan 16-17 jyl buryn kezekke turǵan turǵyndarǵa jer telimderi beriletindigi týraly jazǵan bolatynbyz.

Naqtyraq aıtqanda Tarazda 2005-2006 jyldardan beri jeke turǵyn úı salý úshin kezekte turǵandarǵa jer telimderin berý protsesi bastaldy. Bul týraly Jambyl oblysynyń ákimi Nurjan Nurjigitovtiń tóraǵalyǵymen qalanyń bas jospary talqylanǵan keńeste habarlanǵan.




Avtor Saıa Sembaı
Basty sózder: Jambyl oblysy, Bilim, JOO-lar,
Joǵary qaraı