Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyldaǵy sapasyz jol úshin 128 laýazymdy tulǵa jaýapkershilikke tartyldy

2021 jyldyń 21 shilde 2021 03:24

TARAZ. QazAqparat – Jambyl oblysynda joldardy qanaǵattanarlyqsyz deńgeıde ustaǵany úshin 128 laýazymdy tulǵa jaýapkershilikke tartyldy, dep habarlaıdy QazAqparat tilshisi.

Jol qozǵalysy qaýipsizdigin qamtamasyz etý maqsatynda aǵymdaǵy jyldyń 6 aıynda oblystyń avtomobıl joldaryna 1026 tekserý júrgizilip, onyń barysynda 6762 aqaý anyqtaldy.

Tekseris qorytyndylary boıynsha jol uıymdarynyń basshylaryna kemshilikterdi joıý úshin 1026 uıǵarym berilgen. Avtomobıl joldaryn kútip ustaýdaǵy kemshilikter boıynsha 190 aqparat joldanǵan.

Sondaı-aq, temirjol ótkelderine tekseris júrgizilip, olardy kútip-ustaý boıynsha 152 aqaý anyqtalǵan. Ótkelderge jaýapty uıymdardyń basshylaryna kemshilikterdi joıý úshin 56 nusqama jiberilgen.

Avtomobıl joldarynyń qanaǵattanarlyqsyz kútimi jáne jol qaýipsizdigin tıisti qamtamasyz etpegeni úshin 128 laýazymdy tulǵa ákimshilik jaýapkershilikke tartylypty.

«Joldarda jumys júrgizý, joldardy, temirjol ótkelderin jáne basqa da jol qurylystaryn kútip ustaý jónindegi talaptardy oryndamaǵany úshin QR ÁQBtK-niń 631-babynyń 1-bóligi boıynsha 81 laýazymdy tulǵa ákimshilik jaýapkershilikke tartyldy. Taǵy 1 laýazymdy tulǵaǵa qatysty osyǵan uqsas quqyq buzýshylyq jáne ol jol-kólik oqıǵasyna ákep soqtyrǵany úshin ákimshilik hattama toltyryldy (QR ÁQBtK-niń 631-baby 2-bóligi). Joldardy, temirjol ótkelderin jáne basqa da qurylystardy nemese jol qozǵalysyn retteýdiń tehnıkalyq quraldaryn zaqymdaǵany úshin (QR ÁQBtK - niń 630-baby 1-bóligi) 46 jeke tulǵa ákimshilik jaýapkershilikke tartyldy», - dedi Jambyl oblysy PD ÁPB bastyǵynyń orynbasary polıtsııa podpolkovnıgi Nıkolaı Son.


Joǵary qaraı