Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jambyldaǵy túzeý mekemesindegi jemqorlyqpen sottalǵandar qalaı ómir súrip jatyr

2022 jyldyń 17 mamyr 2022 20:12

NUR-SULTAN. QazAqparat - Jambyl oblysy ákimdiginiń aýyl sharýashylyǵy basqarmasy men kóliktik baqylaý ınspektsııasynyń qyzmetkerleri QAJD JD-158/4 túzeý mekemesine bardy, dep habarlaıdy QazAqparat.

Sybaılas jemqorlyqqa qarsy is-qımyl agenttiginiń aımaqtaǵy departamentiniń málimetinshe, mekeme qyzmetkerleri sottalǵandardyń túrmedegi turmystyq jaǵdaıyn kórgen. Kameralardy, serýendeý alańyn, uıyqtaý, tamaqtaný oryndaryn, sport zalyn, aǵash sheberhanasyn aralaǵan.

«Mundaı kezdesýler óte tıimdi jáne sybaılas jemqorlyqtyń aldyn alýǵa septigin tıgizetinine senimdimiz. Bizdegi jazany óteýshilerge, onyń ishinde sybaılas jemqorlyq qylmystary úshin sottalǵandarǵa da barlyǵyna birdeı jaǵdaı jasalǵan. Eshqandaı artyqshylyqtar joq», – dedi mekeme basshysy Baqytjan Sháripbekov.




Kelýshilerge kolonııada jazasyn ótep jatqan laýazymdy tulǵalarmen jasalǵan birneshe sybaılas jemqorlyq sıpatyndaǵy faktiler mysal retinde keltirildi. Bireýi úlken aqshaǵa orynbasarynyń «ornyn satpaqshy» bolsa, ekinshisi bıýdjet qarajatyn jymqyrǵan.

«Men úshin mundaı orynda ótken «ekskýrsııa» umytylmas áser qaldyrdy. Búginde memlekettik qyzmetshiler sybaılas jemqorlyq áreketke barǵan jaǵdaıda olardy qandaı zardaptar kútip turǵanyn óz kózderimen kórdi. Erkindikti baǵalaý kerek», - dep atap ótti memlekettik qyzmetshi.

Shara sońynda Sybaılas jemqorlyqqa qarsy qyzmet ókilderi sybaılas jemqorlyq qylmystary úshin jazanyń qatańdatylǵanyn málimedi.








Joǵary qaraı