Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyldyq dıqandar qarbyzdyń amerıkalyq surpyn ósirýde

2021 jyldyń 23 shilde 2021 22:43

TARAZ. QazAqparat – Jambyl oblysy Talas aýdanynda bıyl ǵana ashylǵan «Bereke» sharýa qojalyǵy qarbyzdyń muhıt asyp kelgen amerıkalyq túrin ósirýde, dep habarlaıdy QazAqparat tilshisi.

Qarbyzdyń amerıkalyq «AU Producer» sorty 70-80 kúnde ónim beredi. Qojalyq ıesi kúzdik qarbyzdyń bul túrinen shyryn óndirýdi josparlap otyr.

«Joǵary ónimdi sort bolyp tabylatyn bul qarbyzdyń ónimdiligi jaqsy kútim jasalǵan jaǵdaıda 18-20 kelige jetedi»,-deıdi atalǵan sharýa qojalyq tóraǵasy Nurken Turarov.

Talastyqtarǵa til úıirer dámi bar paıdaly ári erekshe shyryn usynǵaly otyrǵan sharýa qojalyǵynyń tóraǵasy jetilip pisken ónimdi aldaǵy ýaqytta basqa óńirlerge de tasymaldaýdy kózdeýde.

Sonymen qatar, ol 20 gektar jerge jońyshqa, júgeri jáne kókónis egip, 9 gektardy qaýyn men qarbyz baqshasyna aınaldyrǵan.

Qojalyq dıqanshylyqqa jańa tehnologııalardy da qoldana bastaǵan. Jońyshqa alqabyn jańbyrlatyp sýaratyn «Bauer» qurylǵysymen sýarsa, júgeri men kókónis jáne baqsha ónimderine dıhandar tamshylatyp sýarý ádisin engizgen.


Joǵary qaraı