Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jambyldyq qarııalar turǵyndardy birlikke shaqyrdy

2022 jyldyń 18 qańtar 2022 08:21

TARAZ. QazAqparat – Jambyl oblysy T.Rysqulov aýdanynyń aqsaqaldary turǵyndarmen kezdesip, syndarly sátte el Prezıdentiniń bastamalaryn qoldaýǵa, bir bolýǵa úndedi, dep habarlaıdy QazAqparat tilshisi.

Jambyl oblysy T.Rysqulov aýdanynyń aqsaqaldary elimizde oryn alǵan tótenshe jaǵdaıǵa baılanysty aýdan turǵyndarymen kezdesý ótkizip, túsindirý jumystary júrgizýde.

Aýdanǵa qarasty 15 aýyldyq okrýgte ótken kezdesýlerde aqsaqaldar tynyshtyqty, tatýlyqty, birlikti saqtaýǵa shaqyryp, qoǵam tutastyǵy – el Táýelsizdiginiń kepili ekenin aıtýda.




«Elimiz úlken saıası daǵdarystan ótti. Memleket basshysy oǵan asa den qoıyp, der kezinde sheshimder qabyldady. Eldegi jaǵdaılarǵa baılanysty Konstıtýtsııanyń kepili - Prezıdentimiz naqty tapsyrmalar júktep, halqymyzǵa mańyzdy úndeý jasady. Salqynqandylyq tanytyp, óz ýaqytynda durys sheshimder qabyldaı bildi. Er birligin saqtaǵan Prezıdentimizdi qoldap, eldi sabyrǵa shaqyrý, birge bolý – bizdiń azamattyq mindetimiz. Qazaqstan halqynyń basyna túsken qıyndyq ýaqytsha ekeni belgili. Búginde ishki tərtip rettelip, ahýal turaqtaldy. «Təýbə» deımiz! Qazaq eliniń baqytty kúnderi alda ekenine nyq senemiz! Elimizdiń tynyshtyǵy buzylmasyn»,-dedi aýdandyq ardagerler keńesiniń tóraǵasy Qojaıhan Bıjanov.




«Prezıdenttiń el tynyshtyǵy jolynda atqaryp jatqan ár isi bizge senim syılap otyr! Bizder - el zııalylary men ár aýyldyń abyz aqsaqaldary qashanda el tynyshtyǵynyń turaqtalýyn qalap, órimdeı jastardy sabyrlyqqa shaqyramyz. Bizge, qarapaıym halyqqa eshqandaı búliktiń qajeti joq. Balalarymyzǵa, urpaǵymyzǵa aqsaqaldyq jolmen aqylymyzdy aıtyp, túsindirýdemiz. Baǵa jetpes Táýelsizdigimizdiń qundylyǵyn joımaı, babalar rýhyna bas ıeıik! Elimiz tynysh, jurtymyz aman bolsyn»,-dedi Qaıyńdy aýylynyń turǵyny Nurjan Rysbaev.




Kezdesýde aýyl turǵyndarynyń usynys-tilekteri tyńdalyp, birqatar saýaldaryna jaýap berildi.





Perevod Saıa Sembaı
Basty sózder: Qoǵam, Aımaq, Jambyl oblysy,
Joǵary qaraı