Aýa raıy
Astana 22 °S
Almaty 23 °S
valıýta baǵamy
USD 386.71
EUR 429.17
RUB 6.02
CNY 54.66

Jambyldyq pedagogtarǵa bos oryndar jármeńkesinde 278 jumys orny usynyldy

2019 jyldyń 19 tamyz 2019 09:02

TARAZ. QazAqparat – Bilim qyzmetkerleri jetispeýshiligi máselesin sheshý úshin Tarazda bos oryndar jármeńkesi ótkizildi, dep habarlaıdy «QazAqparat» HAA tilshisi.

Bos oryndar jármeńkesine pedagogıkalyq joǵary oqý oryndary men kolledjerdiń jumys izdep júrgen 400-ge jýyq túlegi qatysty. Olar kolledjerde, mektepter men balabaqshalarda 278 bos oryn usynǵan bilim mekemeleriniń 78 ókilimen kezdesti.

Aıta ketý kerek, sońǵy birneshe jyldyń ishinde Jambyl oblysynyń bilim mekemelerinde bastaýysh synyp, orys tili jáne ádebıeti, hımııa, fızıka, matematıka, aǵylshyn tili pánderiniń ustazdary jetispeıdi. Kadrlyq jetispeýshilik ásirese orys tildi bilim beretin mektepter men alystaǵy eldi mekenderdegi shaǵyn mektepterde seziledi. Moıynqum, Qordaı, Shý, Talas aýdandarynyń mektepterinde kadrǵa degen zárilk óte zor.

«Búginde kópshilikti pedagogıkalyq kadrlardyń kásibıligi men daıyndyǵynyń deńgeıi mazalaıdy. Bilim sapasy tikeleı solarǵa baılanysty. Kez kelgen jumys berýshi qyzmetkeriniń eńbek ótiliniń bolǵanyn qalar edi. Alaıda stýdentterdiń ázirge ondaı múmkindigi joq. Sondyqtan olar úshin «Eńbek» memlekettik baǵlarlamasy qarastyrylǵan», - dedi Taraz qalasy jumyspen qamtý ortalyǵynyń dırektory Baýyrjan Tólegenov.

Búgin qala jáne oblys aýdandary ákimderine jambyldyq mektepterdiń túlekterimen olardy pedagogıkalyq mamandyqtarǵa tartý boıynsha jumysty kúsheıtýge keńes berildi. Jańa bilim standartynyń talaptaryna sáıkes oblys mektepterin pedagogıkalyq kadrlarmen qamtý jáne daıyndaý boıynsha 2025 jylǵa deıingi Jol kartasy ázirlenip jatyr.

Aldaǵy úsh jylda Jambyldyń bilim salasynda qosymsha 1200 muǵalim qajet bolady dep kútiledi.


Avtory: Galına Skrıpnık

Basty sózder: Bilim, Jambyl oblysy,
Joǵary qaraı