Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyldyq turǵyn ózine oq atqandardy kólikpen qýǵan: 1 adam mert boldy

2021 jyldyń 11 maýsym 2021 13:32

TARAZ. QazAqparat – Jambyl oblysynda er adam ózine oq atqandardyń artynan kólikpen qýyp, jol apatyn jasady. Bir adam qaza boldy, dep habarlaıdy QazAqparat tilshisi.

9 maýsym kúni keshke Merki aýdandyq polıtsııa bólimine jergilikti turǵyn xabarlasyp, belgisiz adamdar olardyń fazendasyna kelip, bireýi aǵasyna oq atqany týraly aıtqan.

Polıtseıler oqıǵa ornyna kelgen soń sharýa qojalyǵynyń ıesi men jergilikti úsh turǵynnyń arasynda janjal týyndaǵany, onyń barysynda olardyń biri fazenda ıesine tegis uńǵyly myltyqtan oq atyp ketkeni anyqtalǵan.

«Jaraqat alǵan er adam olardy óz kóligimen qýǵan, soqtyǵysý barysynda ekinshi kóliktiń júrgizýshisi jol-kólik oqıǵasy ornynda kóz jumyp, jolaýshysy jaraqattanǵan. Aıaǵy men qolynan bytyra oǵynan jaraqat alǵan er adam Merki aýylyndaǵy aýdandyq ortalyq aýrýhanaǵa jatqyzyldy»,-delingen oblystyq Polıtsııa departamentiniń habarlamasynda.

Oblystyq Polıtsııa departamentiniń bastyǵy Janat Súleımenov qazirgi ýaqytta atalǵan oqıǵanyń barlyq qatysýshylary ustalǵanyn, sotqa deıingi tergep-tekserý amaldary júrgizilip jatqanyn atap ótti.

Qajetti saraptamalar taǵaıyndaldy. Іstiń mán-jaıy anyqtalýda.


Joǵary qaraı