Aýa raıy
Astana 16 °S
Almaty 28 °S
valıýta baǵamy
USD 412.55
EUR 468.66
RUB 5.79
CNY 58.80

Jambyldyqtar zańsyz saqtalǵan 54 qarýdy polıtsııaǵa tapsyrdy

2020 jyldyń 6 shilde 2020 06:33

TARAZ. QazAqparat – Jambyl oblysynda polıtsııa qyzmetkerlerine zańsyz saqtalǵan 54 dana qarý tapsyryldy, dep habarlaıdy QazAqparat tilshisi.

Bul jumystar qoǵamdyq qaýipsizdikti qamtamasyz etýge jáne atys qarýyn, oq-dárilerdi jáne jarylǵysh zattardy qoldanýǵa baılanysty qylmystardyń aldyn alýǵa baǵyttalǵan aktsııa aıasynda júzege asqan. Bul týraly oblystyq polıtsııa departamentiniń baspasóz qyzmeti habarlady.

«Tirkelmegen qarýdy óz erkimen tapsyrý naýqany bastalǵannan beri Jambyl oblysynyń 27 turǵyny polıtsııaǵa júginip, olar quny 3 mıllıon teńgeden asatyn 54 qarýdy tapsyrǵan. Tapsyrylǵan qarý-jaraqtyń ishinde 4 kesilgen jáne 40 tegis uńǵyly myltyq bar. Zańsyz saqtalǵan qarýdyń basym bóligi oblys turǵyndaryna ata-babasynan muraǵa qalǵan jáne úılerinde kádesyı retinde saqtalǵan buıymdar» delingen vedomstvo habarlamasynda.

Aıta keteıik, zańsyz saqtalǵan qarý-jaraqty satyp alýǵa arnalǵan aktsııaǵa qatysty barlyq másele boıynsha oblys turǵyndary 8 (7262) 99-78-04 nemese «102» telefondaryna habarlasa alady.


Avtor Qajy Murat
Basty sózder: Jambyl oblysy, Zań,
Joǵary qaraı