Aýa raıy
Astana 7 °S
Almaty 6 °S
valıýta baǵamy
USD 389.59
EUR 429.06
RUB 6.05
CNY 55.07

Jambyldyqtarǵa jyldyq mólsherlemesi 2,5% nesıe beriledi

2019 jyldyń 17 qyrkúıek 2019 12:42

NUR-SULTAN. QazAqparat – Jambyldyqtarǵa jyldyq mólsherlemesi 2,5 paıyzben nesıe beriledi. Bul týraly búgin Úkimet otyrysynda QR Eńbek jáne halyqty áleýmettik qorǵaý mınıstri Birjan Nurymbetov aıtty, dep habarlaıdy QazAqparat tilshisi.

«Jambyl oblysy ákimdigi ázirlegen ilki jobany qoldaımyz. Sebebi, statıstıka boıynsha, óńirde jan basyna shaqqandaǵy nomınaldy aqshalaı tabys 66 myń teńge kóleminde. Bul respýblıkalyq ortasha kórsetkishtiń 68 paıyzyna ǵana jetedi. Al, oblystaǵy jumys kúshin saralaıtyn bolsaq 506 myń jumyspen qamtylǵandardyń 35 paıyzy nemese 177 myń adam ózin-ózi jumyspen qamtyǵandar. Bul respýblıkadaǵy eń joǵary kórsetkishterdiń biri», - dedi mınıstr Jambyl oblysy halqynyń tabysyn arttyrýǵa baǵyttalǵan ilki jobany talqylaý barysynda.

Onyń aıtýynsha, oblys ákimdigi usynǵan málimetke sáıkes, zerdelengen 368 myń aýyl turǵynynyń tek 54 paıyzy nemese 177 myń adam turaqty tabysqa ıe. Sonyń saldarynan respýblıka boıynsha ataýly áleýmettik kómek taǵaıyndalǵan otbasylardyń 9,6 paıyzy Jambyl oblysynyń turǵyndary bolyp keledi jáne bul oblys halqynyń 17,7 paıyzyn quraıdy.

«Onyń ishinde 31 myńnan astam otbasy ataýly áleýmettik kómekti turaqty túrde alýda. Atalǵan otbasylarda 43 myńnan astam adam eńbekke qabiletti jasta», - dedi Birjan Nurymbetov.

Mınıstr atap ótkendeı, ilki joba «Eńbek» memlekettik baǵdarlamasy aıasynda iske asyrylmaq. Osyǵan oraı, atalǵan baǵdarlamaǵa ózgerister engiziledi.

«Іlki joba aıasynda mıkrokredıtter bıýdjettik baǵdarlama ákimshisi aıqyndaıtyn senim bildirgen ókil arqyly beriledi. Pılottyq joba aıasynda bıýdjettik nesıe jergilikti atqarýshy organdarǵa 10 jylǵa beriletin bolady jáne qarapaıym halyqqa nesıe 2,5% aspaıtyn jyldyq mólsherlememen beriletindigi kózdelgen. Mınıstrlik Úkimettiń tıisti qaýly jobasyn ázirlep, 11 qyrkúıekte múddeli memlekettik organdarmen kelisýge joldady. Qaýly jobasy jergilikti ákimdiktermen kelisildi. Al Qarjy, Ulttyq ekonomıka, Aýyl sharýashylyǵy, Indýstrııa jáne ınfraqurylymdyq damý, Ádilet, Bilim jáne ǵylym mınıstrlikterimen kelisý satysynda», - dedi ol.


Joǵary qaraı