Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Jańa Almaty» jobasy: Alataý aýdanynda ınjenerlik jeliler men jańa joldar salynýda

2021 jyldyń 5 qarasha 2021 22:44

ALMATY. QazAqparat - Megapolıstiń Alataý aýdanynda «Jańa Almaty» jospary boıynsha ınjenerlik jeliler máselesi tolyǵymen sheshiledi. Bul týraly Alataý aýdany ákiminiń orynbasary Ádilet Toqtasynov málim etti, dep habarlaıdy QazAqparat tilshisi.

Onyń aıtýynsha, eger joba sátti júzege asqan jaǵdaıda, 2024 jylǵa qaraı ınjenerlik jeliler máselesi tolyǵymen sheshiledi.

«2019-2020 jyldary Almaty ákimi Baqytjan Saǵyntaevtyń tapsyrmasy boıynsha ınjenerlik jelilerdiń qurylysy bastaldy. Qazirgi ýaqytta Shańyraq-1, Alǵabas, Áıgerim-1,2, Uljan-1, Qarasý, Shapaǵat, Boraldaı yqsham aýdandarynda jumystar júrgizilýde», - dedi Ádilet Toqtasynov.

Sondaı-aq, Alataý aýdanynda elektr jelilerin qaıta qurý jumystary júrgizildi. Bıyl aýdannyń 13 yqsham aýdanyndaǵy elektr jelileri jóndeledi.

Ádilet Toqtasynovtyń aıtýynsha, «Jańa Almaty» jobasy aıasynda Alataý aýdanyndaǵy 26 kóshede ortasha jóndeý jumystary josparlanǵan. Onyń ishinde Soltústik aınalym magıstraldy kósheleri boıynsha – 2,1 km, Rysqulov dańǵyly (Saın kóshesinen Emtsov kóshesine deıin) – 1,8 km, Rysqulov dańǵyly (Emtsov kóshesinen Kýderın kóshesine deıin) – 2 km, Boraldaı kóshesi – 2 km, Emtsov kóshesi – 0,3 km.

«Bıyl Samǵaý yqsham aýdanynda 4,6 km jol qurylysy aıaqtaldy. Shańyraq-5-te 6,6 km jol salyndy, Ójet yqsham aýdanynda 11,2 km jáne Alǵabas yqsham aýdanynda 31 km-den astam jol qurylysy jumystary jalǵasýda. Aıta keterligi, bıyl Alǵabas yqsham aýdanynda 10 km jańa jol salynady»,- Ádilet Toqtasynov.


Avtor Dýman Arǵyngeldi
Basty sózder: Almaty, Qurylys,
Joǵary qaraı