Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jańa qaýly: Almatyda 2 tamyzdan bastap qandaı kásiporyndardyń jumysyna ruqsat beriledi

2021 jyldyń 30 shilde 2021 19:33

ALMATY. QazAqparat – Almaty qalasy bas sanıtar dárigeriniń qaýlysymen 2-16 tamyz aralyǵynda engiziletin karantınniń talaptary bekitildi, dep habarlaıdy QazAqparat tilshisi.

Qaýlyda Ashyq jobasyna qatyspasa da, 2 tamyzdan bastap jumysyna ruqsat beriletin qoǵam tirshiligimen tyǵyz baılanysty uıymdar men kásiporyndardyń sanaty berilgen.

Olar:

- qurylys jumystary;

- ónerkásiptik kásiporyndar;

- janaspaıtyn qyzmet kórsetý ( kólik jýý, avtomobılderdi, turmystyq tehnıkany, saǵattardy, telefondardy, kompıýterlerdi, aıaq kıimdi jóndeý, tigin atelesi, kir jýý oryndary, hımııalyq tazalaý, kilt jasaý, turmystyq úı qaǵıdaty boıynsha qyzmet kórsetý jáne t.b.);

- gúl dúkenderi, fotosalondar;

- týrıstik kompanııalar, bıznes ortalyqtar, saqtandyrý kompanııalary, advokat, notarıýs, býhgalter jáne konsaltıng qyzmetteri, jyljymaıtyn múlik jónindegi agenttikter, jarnama agenttikteri, sot oryndaýshylary, aıyrbastaý pýnktteri, lombardtar, bankter, «Qazposhta» AQ bólimsheleri jáne t.b.;

- qoǵamdyq tamaqtaný obektileriniń tek alyp shyǵýǵa jáne jetkizýge arnalǵan qyzmeti.

Qujattyń taǵy bir tarmaǵynda 2-16 tamyz aralyǵynda osy atalǵan sanattarǵa jatpaıtyn jáne Ashyq jobasyna qatyspaıtyn mekemelerdiń jumysy toqtatylatyny aıtylǵan.

Al Ashyq jobasyna qatysatyn nysandardyń jumysy tek demalys kúnderi toqtatylady.

«Oıyn-saýyq, sporttyq jáne ózge de buqaralyq is-sharalardy, otbasylyq, eske alý sharalaryn ótkizýge tyıym salynsyn. Memlekettik organdardyń (uıymdardyń), ofısterdiń, ulttyq kompanııalar men uıymdardyń vaktsına almaǵan jáne koronavırýspen aýyrǵanyna 3 aı tolmaǵan qyzmetkerleriniń 80 paıyzy qashyqtan jumys isteý rejımin saqtasyn», - dep jazylǵan qaýlyda.

Qujat 2 tamyzdan bastap kúshine enedi. Onyń tolyq mazmunyn myna siltemeden kórýge bolady.


Joǵary qaraı