Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jańa qaýly: Ashyq jobasyna qatysatyn nysandardyń tizimi keńeıdi

2021 jyldyń 29 shilde 2021 19:02

NUR-SULTAN. QazAqparat – Qazaqstannyń bas sanıtar dárigeriniń qaýlysy boıynsha«Ashyq» jobasyna qatysatyn nysandardyń tizimi keńeıdi, habarlaıdy QazAqparat tilshisi.

Qujat boıynsha jumysyna «Ashyq» jobasyna qatysatyn nysandardyń jańartylǵan tizimi mynadaı:

ıoga ortalyqtaryn qosa alǵanda, fıtnes-klýbtary;

spa-ortalyqtary; monshalar, saýnalar, basseınder;

PlayStation klýbtaryn qosa alǵanda, kompıýterlik klýbtar; boýlıng klýbtary;

kınoteatrlar;

teatrlar men fılarmonııalar;

ashana tıpindegi obektilerdi, strıt-fýdtardy qospaǵanda, qoǵamdyq tamaqtaný obektileri, jazǵy alańdar, fýd-korttar, banket zaldary;

ashana tıpindegi qoǵamdyq tamaqtaný obektileri; oblysaralyq jáne qalalyq turaqty emes (týrıstik) tasymaldar;

oblysaralyq jáne oblysishilik turaqty tasymaldar;

bılıard klýbtary;

kontsert zaldary;

erikti qatysýshylar;

karaoke;

kórmeler;

okeanarıým;

marafondar;

kórermender qatysatyn sporttyq is-sharalar;

áýejaılar;

lotereıa klýbtary jáne lotereıa satatyn ózge de oryndar;

balalardyń (jabyq) oıyn-saýyq ortalyqtary; tsırkter;

otelder, qonaq úıler; halyqqa qyzmet kórsetý ortalyqtary; temir jol vokzaldary jáne avtovokzaldar;

jabyq jáne ashyq nysandaǵy bazarlar, saýda-oıyn-saýyq ortalyqtary, (azyq túlik emes) saýda úıleri, saýda jelileri;

balalardy saýyqtyrý ortalyqtary (jumyskerler, (personal) úshin);

býkmekerlik kontoralar;

sulýlyq ortalyqtary men salondary, shashtarazdar, manıkıýr men pedıkıýr qyzmetterin kórsetý, kosmetıkalyq jáne kosmetologııalyq qyzmetter kórsetý salondary;

joǵary oqý oryndaryn, kolledjderdi jáne bilim berý ortalyqtaryn qosa alǵanda, bilim berý obektileri (qyzmetkerler (personal), 18 jastan asqan adamdar úshin);

sport keshenderi, sporttyq-saýyqtyrý ortalyqtary.

Qaýlyda 29 shildeden bastap júıege erikti retinde qatysyp kelgen saýda obektileri de «Ashyq» jobasynyń qatysýshylary bolyp tanylatyny aıtylǵan.

Al jobaǵa qatysýshylardyń arasynda zań buzý faktileriniń aldyn alý «Atameken» Ulttyq kásipkerler palatasyna júktelip otyr.


Joǵary qaraı