Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jańa qaýly: «Ashyq» jobasyna qatysatyn nysandardyń jumys rejımin shekteý alyndy

2022 jyldyń 27 qańtar 2022 20:57

NUR-SULTAN. QazAqparat - 2022 jylǵy 27 qańtarda Bas memlekettik sanıtarııalyq dárigerdiń mindetin atqarýshynyń qoldanystaǵy shekteýlerdi jeńildetýdi kózdeıtin jańa № 7 qaýlysy qabyldandy.

«Jańa qaýlyǵa sáıkes «Ashyq» jobasyna qatysatyn obektiler úshin jumys jáne demalys kúnderi ýaqyt boıynsha jumys rejımin shekteý alynyp tastaldy», delingen QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııa taratqan aqparatta.

Epıdemıologııalyq táýekel aımaǵyna (jasyl, sary, qyzyl) qaramastan, qyzmetkerler men kelýshilerdiń qaýipsiz «jasyl» mártebesi boıynsha jumys isteıtin nysandar úshin shekteý alynyp tastaldy. Bul – saltanatty, eske alý, oıyn-saýyq, sporttyq is-sharalar, kórmeler, konferentsııalar, forýmdar ótkizý, sport keshenderiniń, saýyqtyrý jáne dinı jáne oıyn-saýyq nysandarynyń (oıyn klýbtary, kazıno, túngi klýbtar jáne karaoke), SOO, saýda jelileriniń (saýda alańy 1000 sh.m.-den asatyn azyq-túlik emes jáne saýda alańy 6000 sh.m.-den asatyn azyq-túlik) qyzmeti, basseınder.

Kelýshilerde beıtarap («kók») nemese qaýipsiz («jasyl») mártebe bolǵan jaǵdaıda, epıdemıologııalyq jaǵdaıdy baǵalaý matrıtsasyna sáıkes «jasyl» aımaqtaǵy (epıdemıologııalyq táýekeli tómen) óńirlerde – «Ashyq» qatysýshylarynyń qyzmeti shekteýsiz júzege asyrylady, al «sary» (epıdemıologııalyq táýekeli ortasha) jáne «qyzyl» (epıdemıologııalyq táýekeli joǵary) aımaqtarda – karantındik shekteýler toltyrýdy arttyrý jaǵyna qaraı jeńildetiledi.

Osylaısha, epıdemıologııalyq táýekel aımaǵyna qaramastan, oblysaralyq, oblysishilik, qalalyq (turaqty jáne turaqty emes) tasymaldardy júzege asyratyn obektiler úshin, otelder, qonaq úıler, áýejaılar, temirjol, sý jáne avtovokzaldar, ózen jáne teńiz porttary, avtostantsııalar men jolaýshylarǵa qyzmet kórsetý pýnktteri; HQKO, «Qazpochta» AQ bólimsheleri, bankter; sulýlyq salondary, SPA-ortalyqtar, jabyq bazarlar, ashana tıpindegi qoǵamdyq tamaqtaný obektileri, mektepke deıingi jáne qosymsha bilim berý uıymdary úshin beıtarap «kók» mártebe bolǵan jaǵdaıda shekteýsiz kirý saqtalady.

Saýnalardyń, monshalardyń, saýda alańy 1000 sh.m. deıingi saýda jelileriniń (azyq-túlik emes) qyzmetine shekteýler alynyp tastaldy, olarǵa epıdemıologııalyq táýekel aımaǵyna qaramastan, barlyq óńirlerde beıtarap «kók» mártebe boıynsha kirýge bolady.

«Jasyl» aımaqta meıramhanalar men dámhanalar tıpindegi qoǵamdyq tamaqtaný obektileri, eresekter men balalarǵa arnalǵan oıyn jáne oıyn-saýyq oryndary (bılıard, boýlıng, teatrlar, kınoteatrlar, kontsert zaldary, fılarmonııalar, tsırkter, okeanarıým, kompıýterlik jáne lotereıa klýbtary, býkmekerlik kontoralar) úshin kelýshilerde beıtarap «kók» mártebe bolǵan jaǵdaıda shekteý alynyp tastaldy, budan basqa «sary» aımaqta olardyń toltyrylýy 50%-dan 70%-ǵa deıin jáne «qyzyl» aımaqta 30%-dan 60%-ǵa deıin ulǵaıtyldy. Obektiniń toltyrylýy onyń jobalyq qýatyna baılanysty anyqtalady.

Qabyldanǵan karantındik sharalar Memleket basshysynyń 2022 jylǵy 21 qańtardaǵy tapsyrmalaryn iske asyrý úshin qabyldandy.


Basty sózder: Densaýlyq,
Joǵary qaraı