Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jańa qaýly: BQO-da qaı mektepter onlaın oqytýǵa kóshedi

2022 jyldyń 14 qańtar 2022 20:24

ORAL. QazAqparat – BQO bas memlekettik sanıtar dárigeriniń jańa qaýlysy shyqty, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamenti málim etkendeı, qaýly 17 qańtardan bastap kúshine enedi.

Jańa qaýlyǵa sáıkes oqýshy sany 600-ge jetpeıtin oblys jáne aýdan ortalyqtaryndaǵy mektepter shtattyq rejımde oqıdy.

Al oqýshy sany 600-den asatyn mektepter qashyqtan oqytýǵa kóshedi.

Tek aýyl mektepteri burynǵysha qala beredi. 1-2-synyptar shtattyq rejımde oqysa, 3-5-synyptarda kezekshi synyptar ashylady.

Kolledjder men JOO stýdentteri aralas oqytýǵa kóshedi. Barlyq dárister onlaın, ıkemdi keste boıynsha beriledi.

Al tájirıbelik, zerthanalyq, semınarlyq sabaqtar shtattyq rejımde bolady.

Sondaı-aq ekpeniń tolyq kýrsynan ótken oqýshylar men stýdentterdi oqý oryndary basshylarynyń uıǵarymyna sáıkes oqytýǵa ruqsat beriledi.

Jańa qaýlyǵa sáıkes 30 adamǵa deıingi eske alý sharalaryn qospaǵanda, «Ashyq» jobasymen jumys isteıtin nysandarda oıyn-saýyq, ujymdyq, otbasylyq, estelik, kóp adam jınalatyn basqa da is-sharalardy ótkizýge tyıym salyndy.

Basqa da qatań shekteý sharalary engizildi.

Eske sala keteıik, budan buryn Batys Qazaqstannyń «qyzyl» aımaqqa enýine baılanysty qatań shekteý sharalary engiziletinin, óńirde 600-ge jýyq adamnan koronavırýs tabylǵanyn jazǵan bolatynbyz.


Joǵary qaraı