Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jańa oqý jylynan bastap uldar men qyzdar dene shynyqtyrý pánin bólek ótedi

2022 jyldyń 17 mamyr 2022 18:01

NUR-SULTAN. QazAqparat – Aldaǵy oqý jylynan bastap dene shynyqtyrý jáne tehnologııa páni qyz jáne ul balalar úshin bólek ótkiziledi. Bul týraly Bilim jáne ǵylym mınıstrligi mektepke deıingi jáne orta bilim komıtetiniń tóraǵasy Gúlmıra Kárimova málim etti, dep habarlaıdy QazAqparat tilshisi.

«Aldaǵy oqý jylynda bilim jáne tárbıe berý boıynsha oqý-ádistemelik nusqaýhat ázirlendi. Ol bıylǵy oqý jylynyń sońyna deıin mektepterge jetkiziledi. Jańa oqý-ádistemelik nusqaýhat mektep jasyna deıingi balalardyń qaýipsizdigin qamtamasyz etý, tárbıe jáne bilim berý berý protsesiniń sapasyn arttyrý maqsatynda qoıylǵan talaptarmen tolyqtyryldy. Erekshe qajettiligi bar balalarmen jumysty psıhologııalyq-pedagogıkalyq normalaryna sáıkes uıymdastyrý, áleýmettik turǵydan osal topqa jatatyn otbasy balalaryn mamandandyrylǵan bilim uıymdaryna qabyldaýǵa arnaıy kvota engizý jumysy júrip jatyr», - dedi Gúlmıra Kárimova Bilim jáne ǵylym mınıstrliginde ótken apparat jıynynda.

Sondaı-aq, komıtet basshysy bilim berý uıymdarynyń basshylaryn rotatsııalaý jumysy da jalǵasyn tabatynyn aıtty. Búginde 200 bilim berý uıymynyń basshysy rotatsııalandy.

«Ózin-ózi taný pániniń oqý josparynan alynyp tastalýyna baılanysty ózin-ózi taný kýrsyn oqytý erekshelikteri týraly 19-bólimge ózgerister engizilip, mazmuny qysqartyldy. Kórkem eńbek pániniń 1-4 synyptarda eńbekke baýlý jáne beıneleý óneri, 5-9 synyptardaǵy beıneleý óneri men tehnologııa pániniń bólinýine baılanysty atalǵan pánderdi oqytýda ózgerister engizilip, tolyqtyryldy. Tehnologııa jáne dene shynyqtyrý pánderin ótkizýde synyptyń tolymdylyǵyna qaramastan uldar men qyzdar tobyna bólý týraly qaǵıda engizildi», - deıdi ol.

Aıta keteıik, atalǵan jıynda mınıstr Ashat Aımaǵambetov «Altyn belgige» úmitker UBT-da tómen ball alǵan jaǵdaıda mektep basshylyǵynyń jaýapqa tartylatynyn eskertti.

Odan bólek, bıyl UBT-da erekshe qajettiligi bar balalarǵa qosymsha ýaqyt beriledi.


Joǵary qaraı