Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jańa sport túri — tekboldan Túrki keńesiniń týrnırin Majarstanda ótkizý usynyldy

2021 jyldyń 20 qyrkúıek 2021 22:43

TAShKENT. QazAqparat – Majarstan jańa sport túri — tekboldan Túrki keńesiniń birinshi halyqaralyq týrnırin ótkizýdi usyndy. Bul týraly búgin Tashkentte Túrki keńesiniń Jastar isi jáne sport mınıstrleriniń 5-otyrysy barysynda Majarstan Syrtqy ister jáne saýda mınıstrligi sport dıplomatııasynyń bas dırektory Istvan Igloı-Nagı málimdedi, dep habarlaıdy QazAqparat menshikti tilshisi.

Majarstandyq dıplomat qatysýshylarǵa osy sport túriniń óz otanynda damyp jatqanyn, sondaı-aq tekboldy basqa elderde tanymal etý kerek ekenin aıtty.

«Basty maqsat – jańa sport túrin damytý jáne tanymal etý, osy sport túrinen kásibı jáne áýesqoı sportshylardy daıyndaý, sondaı-aq, halyq arasynda salaýatty ómir saltyn nasıhattaý. 2021 jyldyń naýryzynda Halyqaralyq tekbol federatsııasy, Ózbekstannyń Bilim Mınıstrligi jáne Ulttyq Olımpıada komıteti yntymaqtastyq týraly memorandýmǵa qol qoıdy. Túrki keńesiniń basqa elderinde de tekboldyń damı bastaǵanyn qalaımyn», - dedi dıplomat.




Majarstandyq sportshylar qatysýshylardy tekbol sportymen tanystyrdy.

Tekbol – bul ústel tennısin eske túsiretin jańa sport túri, onda qısaıǵan ústel men fýtbol dobyna uqsas dop qoldanylady, ony qoldan basqa deneniń kez-kelgen bóligimen urýǵa bolady.

Tekboldy 2014 jyly Majarstanda eki fýtbol áýesqoıy Gabor Borshanı (burynǵy kásibı fýtbolshy) jáne Vıktor Hýsar (baǵdarlamashy) oılap tapty. Álemdik deńgeıdegi birqatar fýtbolshy (mysaly, Neımar jáne Koýtıno ) tekboldan jarystarǵa qatysyp úlgerdi, osy sport túriniń yqtımal olımpıadalyq mártebesi talqylanýda.


Basty sózder: Eýropa, Túrki elderi, Sport,
Joǵary qaraı