Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jańa jyl merekesinde temir jolda 128 márte ereje buzylǵan

2022 jyldyń 5 qańtar 2022 05:00

NUR-SULTAN. QazAqparat - Mereke kúnderi temirjolda júrgizilgen reıd barysynda 120-dan astam ereje buzý faktisi anyqtaldy, dep habarlaıdy QazAqparat.

« Qazaqstan temir joly « UK» AQ baspasóz qyzmeti taratqan málimetke sensek, merekelik demalys kúnderi temirjolshylar kólik polıtsııasy jáne áskerılendirilgen temirjol kúzetimen birlesip, qaýipsizdik reıdin ótkizdi.

Úsh kún ishinde 128 ereje buzý faktisi anyqtalyp, 53 adam belgilenbegen jerde joldan ótkeni úshin ákimshilik jaýapkershilikke tartyldy.

Reıd barysynda 700 azamatqa temirjol jol tártibi túsindirilip, jadynama taratyldy.

Tyıym salynǵan aýmaqta joldy kesip ótý – jaraqat jaǵdaılaryna ákep soqtyratyn basty sebepterdiń biri.

Sondyqtan temirjolshylar ákimshilik jaýapkershilikti qataıtyp, aıyppuldy kóbıtý kerek degen ustanymda. Qazirgi ýaqytta aıyppul - 3 AEK mólsherinde.

Temirjolda qaýip-qaterdiń aldyn alý mańyzdy. Mereke kúnderi jáne mektep oqýshylarynyń qysqy demalysy kezinde baqylaý kúsheıtiledi. Sonymen qatar, oqý maýsymynda barlyq bilim mekemelerinde qaýipsizdik sabaqtary júredi.

QTJ temir jolda abaı bolýdy jáne qaýipsizdik erejelerin qatań saqtaýdy taǵy bir márte eskertedi. Temir jol óte qaýipti aýmaq ekenin eshqashan esten shyǵarýǵa bolmaıdy.


Basty sózder: QTJ, Kólik, Qaýipsizdik, Poıyz, Jol,
Joǵary qaraı