Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jańaarqada Aqseleý Seıdimbek atyndaǵy murajaı ashyldy

2021 jyldyń 27 jeltoqsan 2021 15:20

QARAǴANDY. QazAqparat – Qaraǵandy oblysy Jańaarqa kentiniń jalpy bilim beretin mektebinde Qazaqstannyń eńbek sińirgen qaıratkeri Aqseleý Seıdimbektińmurajaıy ashyldy. Onda qoǵam qaıratkeri, belgili etnograf, ónertanýshy, jýrnalıst jáne pýblıtsıstiń eńbekteri, ómirbaıandyq derekteri, jeke zattary jınaqtalǵan, dep habarlaıdy QazAqparat tilshisi.

«Ótken jyly mektebimizge jerlesimiz Aqseleý Seıdimbektiń esimi berildi.

Karantın men qashyqtyqtan oqytýdyń saldarynan biz onyń murajaıyn birden asha almadyq. Esesine muny Táýelsizdiktiń mereıtoılyq jylynda júzege asyra aldyq. Murajaıda Aqseleý Seıdimbektiń ómiri týraly stendter, ol týraly maqalalar, eńbekteri, oqýshylardyń ǵylymı jumystary men fotosýretteri usynylǵan», – dedi mekteptiń tarıh pániniń muǵalimi Jadyra Rysbekova.

Murajaıda jazýshynyń qalta pyshaǵy jáne onyń keıbir jeke zattary bar.

Bolashaqta mektep oqýshylary Aqseleý Seıdimbektiń ómiri men eńbek jolyn murajaıda jınaqtalǵan qujattar men ol týraly maqalalarǵa súıene otyryp zertteı alady.

Aqseleý Seıdimbek – Jańaarqa aýdanynyń týmasy. Kóp jyldar boıy «Ortalyq Qazaqstan» gazetinde eńbek etti. 1976 jyldan respýblıkalyq «Sotsıalıstik Qazaqstan» basylymynda ádebıet jáne óner bóliminiń meńgerýshisi bolyp jumys istedi.




Sondaı-aq, ol «Zerde» jýrnalynda, «Álem» almanahynda, Muhtar Áýezov atyndaǵy Ádebıet jáne óner ınstıtýtynda basshylyq qyzmetter atqardy.

Ybyraı Altynsarın atyndaǵy bilim berý ınstıtýtynyń dırektory, Qazaq bilim akademııasynyń tuńǵysh Prezıdenti, Prezıdenttik mádenı ortalyq dırektorynyń

orynbasary boldy. L. N. Gýmılev atyndaǵy Eýrazııa ulttyq ýnıversıtetinde dáris berdi.

2003 jyly oǵan Qazaqstannyń eńbek sińirgen qaıratkeri ataǵy berildi. 2004 jyly ol Memlekettik syılyqtyń laýreaty atandy.


























Joǵary qaraı