Aýa raıy
Astana 0 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Jańaózende qyzmettik ıt 45 keli esirtki tapty

2020 jyldyń 25 qyrkúıek 2020 12:53

AQTAÝ. QazAqparat – Jańaózen irgesindegi Teńge aýylynda jedel-izdestirý sharalary kezinde qyzmettik ıt 45 keli esirtki tapty, dep habarlaıdy QazAqparat tilshisi Ulttyq Ulannyń «Batys» óńirlik qolbasshylyǵynyń baspasóz qyzmetine silteme jasap.

Esirtki tasymaldaýshynyń jolyn kesken ıttiń aty - Detektıv.

«Sómkege salynǵan qarasoranyń birinshi bóligin, ıaǵnı 10 kelisin kúdiktiniń úıinen qyzmettik-izdestirý ıtteri tapty. Al qalǵan bóligi, 35 keli saraıdan tárkilendi. Sondaı-aq, úıdiń baqshasynan ósimdiktiń 180 sabaǵy tabyldy», -dep habarlady vedomstvonyń baspasóz qyzmeti .

Detektıv buǵan deıin maýsym aıynyń sońynda esirtki satqan kúdiktini ustaýǵa kómektesti. Ol 28 jastaǵy jigittiń sómkesinde jatqan jarty keli marıhýanany tapty. Iisshil ıt Ulttyq gvardııada bes jyldan beri qyzmet etedi. Osy ýaqyt ishinde kınologııalyq jarystarǵa birneshe ret qatysyp, júldeli oryndarǵa ıe boldy«,-delingen baspasóz habarlamasynda.





Joǵary qaraı