Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Janar-jaǵarmaı baǵasyn qoldan retteý jalǵasa ma

2022 jyldyń 26 mamyr 2022 13:35

NUR-SULTAN. QazAqparat – Kommýnaldyq qyzmet salasyna qatytysty shekteýli tarıfti engizý máselesi qaralyp otyr. Bul týraly Senatta «Halyqtyń tabysyn arttyrýdyń 2025 jylǵa deıingi baǵdarlamasy» keshendi josparyn iske asyrýdy talqylaý kezinde Premer-Mınıstriń orynbasary Eraly Toǵjanov málim etti, dep habarlaıdy QazAqparat tilshisi.

Senator Murat Baqtııaruly jyl basynda Prezıdent tapsyrmasyna sáıkes jarty jylǵa janar-jaǵarmaı baǵasynyń lımıtine, kommýnaldyq qyzmet aqysyna baılanysty arnaıy sheshimder qabyldanǵanyn aıta kele, osy jyldyń ekinshi jartysynda bul baǵyttaǵy baǵany qalyptystyrý qalaı júzege asyrylatynyn surady.

Óz kezeginde E.Toǵjanov janar-jaǵarmaıǵa qatysty qoıylyp otyrǵan suraqtar óte oryndy ekenin, osy oraıda 6 aıǵa belgilengen kezeń aıaqtalýǵa jaqyndaǵanyn eske saldy.

«Janar-jaǵarmaıǵa baılanysty toqtalsaq, onyń ishinde AI-92/93 benzıni men dızel otyny bar. Osy oraıda 6 aı ótkennen keıin ary qaraı jalǵastyrý (memlekettik retteý) máselesin talqylap jatyrmyz. Kommýnaldyq qyzmet salasyna qatysty aıtatyn bolsaq, jarty jyl merzim ótkennen keıin shekteýli tarıfti engizý máselesi de qaralyp otyr. Bul – qoǵamnyń qatysýymen aımaqtarda naqty talqylanyp, sheshim qabyldanatyn úlken taqyryptar», - dedi Eraly Toǵjanov.

Budan buryn habarlanǵandaı, bıyl qańtar aıynyń basynda Prezıdent Qasym-Jomart Toqaev munaı ónimderiniń baǵasyn memlekettik retteý boıynsha tapsyrma berdi.

Osy oraıda munaı ónimderiniń (benzın, dızel, suıytylǵan gaz) baǵasyna memlekettik retteýdi 180 kúnge engizý, halyq úshin 180 kúnge kommýnaldyq tarıfterdi kóterýge moratorıı engizý qajettigin qarastyrý eskerilgen.

Sonymen qatar Memleket basshysy janar-jaǵarmaı baǵasyna qatysty pikir bildirdi.

«Osy kezeńde Bas prokýratýra Básekelestikti qorǵaý jáne damý agenttigimen, sondaı-aq Energetıka mınıstrligimen birlesip, osy saladaǵy jumystardy retke keltirýge, ony reformalaý úshin keshendi usynystar ázirleýge tıis. Eger bul jumys bir jolǵa qoıylmasa, janar-jaǵarmaı baǵasyn retteý júıesi saqtalady», - dedi Prezıdent.


Avtor Rýslan Ǵabbasov
Basty sózder: Senat, Baǵa,
Joǵary qaraı