Aýa raıy
Astana 7 °S
Almaty 21 °S
valıýta baǵamy
USD 421.58
EUR 496.83
RUB 5.53
CNY 62.20

Jańartylǵan koronavırýs statıstıkasy 2 tamyzda jarııalanady - DSM

2020 jyldyń 1 tamyz 2020 16:45

NUR-SULTAN. QazAqparat - QR Densaýlyq saqtaý mınıstrliginiń resmı ókili Baǵdat Qojahmetov koronavırýstyń jańartylǵan statıstıkasy 2 tamyzda jarııalanatynyn aıtty, dep habarlaıdy QazAqparat tilshisi.

«Biz óte qıyn protsess ótkizdik. Eki apta ishinde naýqastardy tirkeý júıesiniń senimdiligi úshin kodtaý algorıtmi men nusqaýlyqtar jasaldy. Biz qoldanystaǵy aqparattyq júıeni qurdyq, osy kezeń ishinde búkil medıtsına qyzmetkerlerine jańa derekterdi qalaı durys engizý kerektigin úırettik. Qazaqstan Respýblıkasynyń Dúnıejúzilik densaýlyq saqtaý uıymy ókiliniń tehnıkalyq keńesine sáıkes jańa málimetter ekige bólindi. Biraq eki bólik te koronavırýs ınfektsııasy bar patsıentter retinde qarastyrylady», - deıdi Baǵdat Qojahmetov.

Ol koronavırýstyq ınfektsııa jaǵdaıynda kodtaý algorıtmi eki kodpen, ıaǵnı PTR synaǵy oń bolǵan kezde rastalǵan jaǵdaılar úshin jáne rastalmaǵan, yqtımal jaǵdaılar úshin qoldanylady dedi.

Onyń aıtýynsha, jańa tásil aýrý týraly durys boljam jasaýǵa jáne statıstıkanyń ashyqtyǵyn qamtamasyz etýge múmkindik beredi.

«Jańa tásil aýrýdyń aldyn-ala durys boljamyn jasaýǵa, barlyq qajetti resýrstardy durys josparlaýǵa múmkindik beredi: qansha dárigerdi tartý kerek, aýrýhanalarda qansha tósek daıyndaý kerek. Tutastaı alǵanda, bul statıstıkanyń ashyqtyǵyn qamtamasyz etedi, bul óte durys sheshim, ol tıisti nátıje beredi», - dedi B.Qojahmetov.

Eske sala keteıik, QR Prezıdenti Qasym-Jomart Toqaev Úkimetke pandemııanyń statıstıkasyn birizdendirýdi mindettegen bolatyn. Keıin koronavırýs pen pnevmonııa statıstıkasy biriktiriletini anyqtaldy.

Sonymen qatar, Elimizde COVID-19 boıynsha jańa statıstıka 1 tamyzdan bastap júrgiziletindigi aıtyldy.

Densaýlyq saqtaý mınıstri Alekseı Tsoı koronavırýs statıstıkasy jańasha qalaı júrgiziletinin túsindirdi.



Joǵary qaraı