Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Jańarý» jalpyulttyq qozǵalysy óńirdegi sybaılas jemqorlyqqa qarsy saýattylyqty kóteredi

2021 jyldyń 13 mamyr 2021 11:36

NUR-SULTAN. QazAqparat – «Jańarý» sybaılas jemqorlyqqa qarsy jalpyulttyq qozǵalysy óńirlik úkimettik emes uıymdarmen birlesip, sybaılas jemqorlyqqa «nóldik tózimdilikti» damytý jóninde onlaın dárister ótkizedi.

Atalǵan is-shara «Sybaılas jemqorlyqqa qarsy mádenıetti qalyptastyrýdaǵy úkimettik emes uıymdardyń, sarapshylar qoǵamdastyǵynyń qatysýyn keńeıtý» aıasynda ótedi. Bul dáristerdiń maqsaty – sybaılas jemqorlyqqa qarsy qozǵalysqa azamattyq sektor ókilderin tartý arqyly memlekettik qyzmet kórsetý salasynda sybaılas jemqorlyq kórinisterine «nóldik tózimdilikti» qalyptastyrý.

Halyqtyń quqyq saýattylyǵyn, normatıvtik-quqyqtyq aktilerdiń sapasyn arttyrý, sybaılas jemqorlyqqa qarsy dúnıetanymdy qalyptastyrý, halyqty memlekettiń sybaılas jemqorlyqqa qarsy saıasatynyń iske asyrylý barysy týraly habardar etý, naqty kómek kórsetý. Sondaı-aq azamattyq qoǵam ókilderin jáne «Adaldyq alany» jobalyq keńselerin tarta otyryp, pikirtalas jáne oqytý alańdaryn uıymdastyrý.

Sarapshylar sybaılas jemqorlyqqa qarsy is-qımyl sharalaryn keńeıtý boıynsha óz usynystaryn aıtty. «JAŃARÝ» RQB Ortalyq apparatynyń basshysy Mels Semǵalıev osy taqyryptyń ózekti máselelerin alǵa tartty. Ol Parlament depýtattary jáne azamattyq qoǵamnyń birlesken jumysyn kúsheıtý mańyzdy ekenine nazar aýdardy.

Dáristerge QR Aqparat jáne qoǵamdyq damý mınıstrliginiń Adaldyq alany jobalyq keńsesiniń basshysy-mınıstrdiń shtattan tys keńesshisi Tımýr Jumyrbaev qatysty. Ol memlekettik organnyń sybaılas jemqorlyq mádenıetin qalyptastyrý, sondaı-aq sybaılas jemqorlyq táýekelderin tómendetý boıynsha júrgizilip jatqan jumysy týraly sóz qozǵady.

«Jobalyq keńseniń basty mindetteriniń biri – sybaılas jemqorlyqqa qarsy saýattylyqty arttyrý, kórsetiletin qyzmetti alýshylarǵa qolaıly orta jasaý jáne memlekettik organnyń ashyqtyǵy. Osy maqsatta biz birlesip jumys isteý úshin úkimettik emes uıymdar qatarynan sarapshylardy tartamyz. Qazir vedomstvo sybaılas jemqorlyq táýekelderine ishki taldaý júrgizýde, oǵan azamattyq qoǵam ókilderi de at salysady. Jalpy, mınıstrlik «Adaldyq alany» baǵyty boıynsha tıimdi jumys júrgizýde», – dedi mınıstrdiń keńesshisi.

Belgili bolǵanyndaı, grant «Azamattyq bastamalardy qoldaý ortalyǵy» KEAQ qoldaýymen júzege asyrylady. Dárister men saraptamalyq talqylaýlar Nur-Sultan, Almaty qalalarynda jáne Shyǵys Qazaqstan oblysynda ótken.

Uıymdastyrýshylar Qazaqstannyń barlyq óńirin qamtýdy kózdep otyr. Іs-sharalarǵa úkimettik emes uıymdardyń, saıası partııalardyń, joǵary oqý oryndarynyń, memlekettik organdardyń ókilderi, sondaı-aq Adaldyq alany keńseleriniń ókilderi belsendi qatyspaq.


Joǵary qaraı