Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Jandarbek Bekshın karantınge baılanysty jańa qaýlyǵa qol qoıdy

2021 jyldyń 6 naýryz 2021 19:05

ALMATY. QazAqparat - Almaty qalasynyń bas memlekettik sanıtarlyq dárigeri Jandarbek Bekshın karantınge baılanysty jańa qaýlyǵa qol qoıdy, dep habarlaıdy QazAqparat tilshisi.

Qujatqa sáıkes buqaralyq, oıyn-saýyq sharalary, kórmeler, forýmdar, konferentsııalar, sondaı-aq otbasylyq, saltanatty, mereıtoılyq sharalar, úıdegi úılený toılaryn ótkizýge tyıym salynady.

Qyzmeti qalpyna kelmegen obektilerge barýǵa tyıym salynady: boýlıng ortalyqtary, kompıýterlik klýbtar («Ashyq» pılottyq jobasyna qatysatyn obektilerdi qospaǵanda), bılıard zaldary, karaoke, batýttar, túngi klýbtar, býkmekerlik keńseler, loto jáne oıyn klýbtary, oıyn alańdary men jabyq ǵımarattaǵy attraktsıondar, onyń ishinde, muz jáne rolıkti syrǵanaq alańdary, sporttyq nysandarda ornalasqandardy qospaǵanda;

- «Ashyq» pılottyq jobasyna qatysatyn kásipkerlik nysandarǵa kirý úshin App Store men Play Market arqyly júkteýge bolatyn «Ashyq» mobıldi qosymshasyn paıdalaný kerek; eger kelýshiniń smartfony bolmasa nemese osy mobıldi qosymshany júkteý kezinde qıyndyqtar týyndasa, jaýapty tulǵa - mekeme qyzmetkeri JSN engizý arqyly kelýshiniń kirýin jazyp alýǵa quqyly;

- qoǵamdyq oryndarǵa, onyń ishinde, qalalyq qoǵamdyq kólikterge jáne qyzmetine ruqsat berilgen obektilerge barǵanda, sondaı-aq, ashyq aspan astyndaǵy qoǵamdyq oryndarda bolǵanda (5 jasqa deıingi balalarǵa jáne ashyq aýada sportpen aınalysýdan basqa) maska kııý, araqashyqtyqty saqtaý jáne antıseptıkterdi qoldaný talaptaryn qatań saqtaý;

Sondaı-aq, merekelik korporatıvtik is-sharalardy, balalar saýyqtyrý lagerleriniń qyzmetin uıymdastyrýǵa jáne ótkizýge tyıym salynady.

- Ulttyq qurama komandalarǵa, klýbtyq komandalarǵa (30 adamnan aspaýy kerek, kontaktsyz termometrııa, sport bazalarynda turý) arnalǵan sporttyq jattyǵýlarǵa;

- Qazaqstan Respýblıkasy Ulttyq banki men Qazaqstan Respýblıkasy Qarjy naryǵyn retteý jáne damytý agenttiginiń aktisine sáıkes, ýaqyt pen sanǵa shekteýler bar qarjy naryǵy sýbektileriniń qyzmetine;

- maska rejımin jáne keminde 1,5 metr qashyqtyqty saqtaı otyryp, 15 adamnan aspaıtyn jeke jáne uıymdasqan toptar úshin erekshe qorǵalatyn tabıǵı aýmaqtarǵa (memlekettik, ulttyq tabıǵı parkterge, qoryqtarǵa, qoryqtarǵa jáne basqalaryna) barý, otyrystardy jeke ótkizýge (olardy qashyqtan formatta ótkizý múmkindigi bolmaǵan jaǵdaıda) ;

- «Baldáýren» respýblıkalyq bilim berý-saýyqtyrý ortalyǵy men «Bóbek» ulttyq ǵylymı-praktıkalyq bilim berý-saýyqtyrý ortalyǵynyń qyzmetine;

- arnaıy, mamandandyrylǵan uıymdardyń, erekshe bilim berý qajettilikteri bar balalarǵa arnalǵan arnaıy mektep-ınternattardyń (sonyń ishinde ata-anasynyń qamqorlyǵynsyz qalǵan jetim balalarǵa arnalǵan), jalpy ınternattardyń, daryndy balalarǵa arnalǵan mektep-ınternattardyń qyzmetine;

- kúsheıtilgen sanıtarlyq-dezınfektsııalyq rejımniń saqtalýy jáne bir mezgilde 30 adamnan kóp jınalmaýy jaǵdaıynda qala komandalaryn daıarlaýǵa arnalǵan oqý-jattyǵý jıyndaryn qaıta bastaýǵa;

- QR MSBD-niń №67 qaýlysynyń talaptaryn eskere otyryp, ashyq aspan astyndaǵy attraktsıondardyń qyzmetine;

- jeke jáne toptyq ashyq jattyǵýlarǵa (topta 5 adamnan aspaý kerek) ruqsat etiledi.

Koronavırýstyq ınfektsııanyń jeńil jáne ortasha formalary bar naýqastardy aýrýhanaǵa jatqyzýǵa, úıdegi karantındi saqtaý sharttary bolmaǵan jaǵdaıda sımptomsyz nysandardy aýrýhanaǵa jatqyzý mindetti.


Joǵary qaraı