Aýa raıy
Astana -2 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Jandarbek Bekshın men Kamaljan Nadyrov tumaýǵa qarsy vaktsına saldyrdy

2020 jyldyń 15 qyrkúıek 2020 01:10

ALMATY. QazAqparat – Almaty qalasynyń bas memlekettik sanıtarııa dárigeri Jandarbek Bekshın men Qoǵamdyq densaýlyq saqtaý basqarmasynyń basshysy Kamaljan Nadyrov maýsymdyq tumaýǵa qarsy vaktsına saldyrdy, dep habarlaıdy QazAqparat tilshisi.

Jandarbek Bekshınniń aıtýynsha, jergilikti bıýdjet qarajatyna qaýip tobyndaǵy adamdarǵa tegin vaktsına egý úshin Reseıden 130 myń doza «Grıppol Plıýs» vaktsınasy satyp alyndy.

«Sondaı-aq, KVI-diń tirkelýin eskere otyryp, qosymsha 300 myń doza satyp alýǵa ótinish berildi. 2019 jyly qala halqynyń 10,3 paıyzyna (200 747), onyń ishinde qaýipti topqa engen 100 myń adamǵa jergilikti bıýdjet esebinen tegin vaktsına egildi. 93 633 adam jumys berýshilerdiń esebinen, 7114- aqyly túrde jekemenshik medıtsınalyq ortalyqtardan vaktsına ektirgen. Ekpe saldyrǵandardyń arasynda ımmýnızatsııadan keıin ózderin jaısyz seziný jaǵdaılary tirkelmedi»,– dedi Jandarbek Bekshın.

Óz kezeginde, qalalyq Qoǵamdyq densaýlyq saqtaý basqarmasynyń basshysy Kamaljan Nadyrov vaktsınanyń eshqandaı qaýip týdyrmaıtynyn atap ótti.

«Bıylǵy jyly biz vaktsına saldyrýǵa jaýapkershilikpen kelip otyrmyz. Sebebi koronavırýs pandemııasy kezinde aýrýlar qabattasyp ketýi múmkin. Osy jaǵdaıdy eskere otyryp, almatylyqtardy áriptesterimniń vaktsına alýǵa shaqyrýyna beı-jaı qaramaı, sol arqyly pandemııa jáne maýsymdyq aýrýlar órshigen ýaqytta JRVI jáne tumaýmen aýyrýdy azaıtýǵa shaqyramyn. Satyp alynǵan vaktsına burynnan beri jaqsy tanylǵan, halyq arasynda ol birinshi ret egilip jatqan joq. Vaktsınanyń eshqandaı qaýpi joq», - dedi Kamaljan Nadyrov.

Qalanyń epıdemıologııalyq qyzmetiniń málimeti boıynsha, JRVI men tumaý bıylǵy jyly qarashanyń sońynan bastap 2021 jyldyń birinshi toqsanynda órshýdiń eń joǵary shegine jetedi. Aldaǵy epıdemıologııalyq maýsymnyń eresheligi – onyń koronavırýs ınfektsııasymen birge órshý yqtımaldyǵynda.


Avtor Alma Muqanova
Basty sózder: Koronavırýs, Aımaq, Almaty, Medıtsına,
Joǵary qaraı