Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jánibek Álimhanuly álemniń perspektıvti alty boksshysynyń qataryna kirdi

2022 jyldyń 25 qańtar 2022 10:14

NUR-SULTAN. QazAqparat – Belgili boks sholýshysy Den Rafael 2021 jyl qorytyndysy boıynsha perspektıvti úzdik kásibı boksshylar tizimin usyndy, dep habarlaıdy QazAqparat Sports.kz saıtyna silteme jasap.

Olardyń qataryna buryn-sońdy jeńilip kórmegen orta salmaqtaǵy qazaqstandyq boksshy Jánibek Álimhanuly kirdi. Ol 19 boksshynyń ishinde altynshy boldy.

«Top Rank promoýterlik kompanııasy men menedjeri Egıs Klımastyń qamqorlyǵyndaǵy solaqaı Álimhanuly jaqsy kóterilip keledi, qazirdiń ózinde ony zańdy úmitker dep tanýǵa bolady. Ol 2016 jylǵy Olımpıada oıyndarynda Qazaqstan quramasynyń atynan óner kórsetti. Sonymen qatar 2013 jylǵy álem chempıonaty, 2013 jáne 2014 jyldardaǵy Azııa chempıonattarynda «altyn» ıelengen. Ol kásibı boksshsy retinde tez kóterildi, sońǵy aıqastarynda orta salmaqtaǵy burynǵy tıtýl ıeleri Rob Brant pen Hassan Ndam Njıkamdy nokaýtqa jiberdi. Qazir ol WBO álem chempıony Demetrıýs Andrademen aıqasatyn dárejege jetti», - dep jazdy Rafael Fight Freaks Unite saıtyndaǵy kolonkasynda.

Úzdik úsh boksshy qataryna Djared Anderson (AQSh, asa aýyr salmaq), Ksander Zaııas (Pýerto-Rıko, birinshi orta salmaq) pen Konor Benn (Ulybrıtanııa, jartylaı orta salmaq) kirdi.


Basty sózder: Boks, Sport,
Joǵary qaraı