Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Jánibek Álimhanuly kelesi jekpe-jek ótkizýge daıyn

2020 jyldyń 22 qazan 2020 11:27

NUR-SULTAN. QazAqparat – Búkil álemge qazaqsha stıldi taǵy bir kórsetkim keledi. Bul týraly WBO Global jáne WBC Continental Americas nusqalary boıynsha ortasha salmaqtaǵy chempıon, kásipqoı boksshy Jánibek Álimhanuly (9-0, 5 KO) aıtty, dep habarlaıdy QazAqparat.

«Kelesi jekpe-jegimdi taǵatsyzdana kútip júrmin. Búkil álemge qazaqsha stıldi taǵy bir kórsetkim kelip otyr», - dep jazdy boksshy Twitter-degi paraqshasynda.

Álimhanulynyń kelesi jekpe-jegi ótetin kún ázirge belgisiz, alaıda sportshy Los-Andjeleste daıyndyq jattyqtyrýǵa kirisip ketken.

Eske sala keteıik, bir apta buryn Jánibek Álimhanuly Las-Vegasta (Nevada shtaty, AQSh) argentınalyq Gonsalo Korııany nokaýtpen jeńgen bolatyn.

Osylaısha 27 jastaǵy J.Álimhanuly kásipqoı bokstaǵy toǵyzynshy jeńisine qol jetkizip, WBO Global jáne WBC ContinentalAmericas tıtýldaryn qorǵap qaldy.


Basty sózder: Sport, Boks,
Joǵary qaraı