Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jánibek Álimhanuly men Dennı Dıgným jekpe-jek aldynda kezdesti

2022 jyldyń 20 mamyr 2022 14:00

NUR-SULTAN. QazAqparat – Qazaqstandyq kásipqoı boksshy Jánibek Álimhanuly brıtandyq Dennı Dıgnýmmen WBO nusqasy boıynsha orta salmaqtaǵy «ýaqytsha» álem chempıony ataǵy úshin judyryqtasý aldynda kezdesip, kóz túıistirdi, dep habarlaıdy QazAqparat tilshisi.

Boksshylar ótken túnde jýrnalısterge arnalǵan baspasóz máslıhatyn ótkizdi. Onda olardyń aldaǵy jekpe-jekke daıyndyq barysy týraly jan-jaqty aıtyldy.

Aıta ketsek, Jánibek Álimhanuly men Dennı Dıgným jekpe-jegi Las-Vegasta 22 mamyrda saǵat 8:00-de bastalady. Ol «Habar» telearnasynan tikeleı efırde kórsetiledi.

Jánibek Álimhanuly 1993 jyly 1 sáýirde dúnıege kelgen. Áýesqoı boksta 2013 jylǵy Álem jáne Azııa birinshilikterinde chempıon atandy. 2014 jyly Azııa oıyndarynda jeńis tuǵyryna kóterildi. Kásipqoı boksta 2016 jyldan beri synǵa túsip keledi. Buǵan deıin 11 jekpe-jeginiń barlyǵynda qarsylastaryn qapy qaldyrdy. Olardyń 7-i nokaýtpen aıaqtalǵan.



Avtor Ádiljan Úmbet
Basty sózder: Boks, Sport,
Joǵary qaraı