Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Jankúıerler Dımash Qudaıbergen týraly veb-oıyndar jasady

2021 jyldyń 6 naýryz 2021 02:22

NUR-SULTAN. QazAqparat – Argentınalyq jankúıerler Dımash Qudaıbergen týraly veb-oıyndar shyǵardy, dep habarlaıdy QazAqparat dimashnews.com saıtyna silteme jasap.

Shaǵyn oıyn jasaý ıdeıasy La Era Dimash stantsııasynyń negizin qalaýshy Paola Profetaǵa tıesili. Ol radıonyń grafıkalyq dızaınyna jaýap beretin Sılvan Agırreden kómek suraǵan. Keıin birge otyryp, oıyndardy bezendirýge arnalǵan sýretterdi tańdaǵan. Olardyń arasynda Báıterek jáne Aqtóbe qalasynyń kórikti jerleri bar.

Oıyndar óte qarapaıym qosymshanyń kómegimen jasaldy jáne olardy tegin oınaýǵa bolady. Fanattar La Era Dimash stantsııasynyń jobasyn qýana qabyldaǵan. Qazaqstandyq ánshiniń ártúrli jastaǵy jankúıerleri rızashylyq bildirýde. Óıtkeni oıyndar jeńil jáne bos ýaqytty kóńildi ótkizýge kómektesedi.


Endi La Era Dimash stantsııasy ózge de oıyn-saýyq jobalardy daıyndamaq. Máselen, Dımash jáne Qazaqstannyń mádenıeti týraly vıktorına-qosymshany qurý josparlanýda.

Eske salaıyq, Dımash pen onyń jankúıerlerine arnalǵan La Era Dimash atty táýlik boıy jumys isteıtin alǵashqy radıostantsııa 2020 jyldyń 14 shildesinde quryldy. Dımashtyń ánderi ǵana oryndalatyn radıony ashý týraly ıdeıa onyń argentınalyq jankúıeri Paola Profetaǵa 2019 jyldyń tamyz aıynyń sońynda kelgen. Boıjetkenge Latyn Amerıkadaǵy jáne búkil álemdegi Dears belsendi qoldaý bildirgen.


Joǵary qaraı