Aýa raıy
Astana -26 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Janna Pirálıeva elordalyqtarǵa: Іndetten keletin shyǵyndy azaıtýǵa kómektesińizder

2020 jyldyń 29 qazan 2020 11:55

NUR-SULTAN. QazAqparat - Nur-Sultan qalasynyń bas sanıtar dárigeri Janna Pirálıeva elordalyqtardy koronavırýs indetinen az shyǵynmen shyǵýǵa kómektesýdi surady, dep habarlaıdy QazAqparat tilshisi.

«Búgingi tańda elimizde epıdemıologııalyq ahýal kúrt nasharlap ketti. Eýropa elderinde de karantın sharalary kúsheıtilýde. Keıbir qalalarda komendanttyq saǵat engizildi. Kıno jáne sport zaldar, teatrlar qaıtadan jabylyp jatyr. Qoǵamdyq tamaqtaný nysandary saǵat 18-00-ge deıingi jumys rejımine kóshýde. 25 qazanda AQSh-ta koronavırýstyń táýliktik rekordtyq ósimi tirkeldi. 24 saǵattyń ishinde 83 753 juqtyrý oqıǵasy anyqtaldy. Kórshi Reseıde koronavırýs ınfektsııasyn tirkeýdiń ósýi baıqalady. Elde maskany mindetti túrde jappaı kııý talaby da kúsheıtildi», - dedi ol.

Osy rette 2020 jyldyń maýsym-tamyz aılarynda Qazaqstanda koronavırýs ınfektsııasynyń kúrt artqanyn da eske salyp ótti.

«Búgingi tańda eldegi turaqty epıdemıologııalyq jaǵdaıdy barlyq kúshimizben saqtap qalýǵa tyrysamyz. Sizderden eldi qorǵap, álemde oryn alǵan jaǵdaıdan az shyǵynmen shyǵýǵa kómektesýińizdi suraımyz», - dedi Janna Pirálıeva.


Joǵary qaraı