Aýa raıy
Astana -22 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Janseıit Túımebaev: Elbasy – eldi reformalaýdyń biregeı algorıtminiń avtory

2020 jyldyń 27 qarasha 2020 12:46

NUR-SULTAN. QazAqparat – Elordada «QR Tuńǵysh Prezıdenti – Qazaqstan halqy Assambleıasy Tóraǵasy Nursultan Nazarbaevtyń birlik pen kelisimdi nyǵaıtý jónindegi saıasaty» taqyrybynda QHA Ǵylymı-sarapshylyq keńesiniń keńeıtilgen otyrysy ótkizilýde, dep habarlaıdy QazAqparat tilshisi.

Otyrys barysynda QHA Tóraǵasynyń orynbasary Janseıit Túımebaev sóz bastady.

«Qazaqstan halqy Assambleıasynyń 25 jyldyǵy táýelsizdik jyldary júrgizilip otyrǵan beıbitshilik pen kelisim saıasatynyń sımvolyna aınaldy. Al Qazaqstannyń Tuńǵysh Prezıdenti – Elbasy Nursultan Nazarbaev qazaqstandyq jol retinde búkil álemge tanymal bolǵan, postkeńestik tranzıtpen eldi reformalaýdyń biregeı algorıtminiń avtory ári ázirleýshisi», - dedi Janseıit Túımebaev QHA Ǵylymı-sarapshylyq keńesiniń keńeıtilgen otyrysynda.

Dostyq, beıbitshilik, tynyshtyq pen senim. Janseıit Túımebaevtyń aıtýynsha Qazaqstannyń qoǵamdyq atmosferasyn osy sózdermen sıpattaýǵa bolady.

«Qazaqstannyń saıasaty men ultaralyq qarym-qatynas modeli barlyq halyqaralyq standartqa sáıkes keledi. Elbasy Nursultan Nazarbaev osy saıası baǵdardyń arqasynda eldiń áleýmettik jáne mádenı ortasy ózgerip kele jatqanyn aıtyp ótti. Qoǵamdyq sanany jańǵyrtýdy baǵyttalǵan «Rýhanı jańǵyrý» baǵdarlamasy qazaqstandyqtardyń oılam júıesine, halyqtyń ómirine oń ózgeris ákelip, memlekettik til jalpyǵa ortaq moıyndalǵan, biriktirýshi til róline ıe boldy. Assambleıa Arys pen Maqtaral aýdanyndaǵy oqıǵalarda úlken áleýmettik kómek kórsetti. Bul baǵyttaǵy jumys jalǵasyn tabady», - dedi ol.



Joǵary qaraı