Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Japonııa aǵashtan jasalǵan birinshi jerserikti ushyrmaq

2022 jyldyń 1 qańtar 2022 16:20

BEIJІŃ. QazAqparat – Japonııada 2023 jyly álemdegi birinshi aǵashtan jasalǵan jerserik ushyrylmaq. Bul týraly juma kúni Kyodo agenttigi málim etti, dep habarlaıdy QazAqparat tilshisi.

Japondyq mamandardyń aıtýynsha, ǵarysh apparatyn 10 santımetrlik kishigirim sharshy retinde jasaý josparlanyp otyr. Jerseriktiń syrtqy qabaty aǵashtan jasalmaq. Onyń syrtyna kún batareıalary, al ishine antenna qosylǵan elektrondyq jabdyq ornatylady.

Aqpan aıynda Japonııanyń aeroǵaryshtyq zertteýler agenttiginiń ǵaryshkeri Takao Doı ǵaryshta aǵash súregin synap kóredi. Ol Halyqaralyq ǵarysh stantsııasyndaǵy zertteý modýliniń syrtyna aǵashtyń birneshe túrinen jasalǵan panelder bekitedi. Olar ashyq ǵaryshta shamamen toǵyz aıǵa qaldyrylady.

Japondyq mamandardyń oıynsha, jerserikterdi aǵashtan jasaý arzanǵa túsedi. Qazirgi qoldanystaǵy jerserikter allıýmınııden jasalǵan.

Kıoto ýnıversıtetiniń professory Doıdiń aıtýynsha, jospar júzege asyrylsa, ǵaryshqa qyzyǵýshylyq tanytqan balalardyń ózi jerserik jasaı alatyn bolady.

Jerserikti jasaýmen Kıoto ýnıversıteti men Sumitomo Forestry kompanııasynyń mamandary aınalysyp jatyr.

Basty sózder: Ǵylym, Ǵarysh, Álem,
Joǵary qaraı