Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Japonııa koronavırýsqa baılanysty tótenshe jaǵdaı rejımin taǵy uzartty

2021 jyldyń 10 qyrkúıek 2021 02:21

TOKIO. Kyodo- QazAqparat - Japonııa úkimeti beısenbide COVID-19 tótenshe jaǵdaıyn Tokıo men basqa da kóptegen aýdandarda uzartý týraly sheshim qabyldady, dep habarlaıdy QazAqparat Kyodo agenttigine silteme jasap.

Japonııanyń 47 prefektýrasynyń 21 -in qamtıtyn tótenshe jaǵdaı rejımi jeksenbide aıaqtalýy kerek edi. Biraq Hokkaıdo, Aıchı, Osaka jáne Fýkýokany qosqanda 19 prefektýrada 30 qyrkúıekke deıin kúshinde qalady.

Premer-mınıstr Esıhıde Sýga COVID-19 jaǵdaılary búkil el boıynsha azaıǵanyn aıtty, biraq aýyr sımptomdary bar naýqastar áli de kóp.

«Biz ınfektsııanyń jańa tolqyndaryna daıyn bolýymyz kerek, biraq sonymen birge koronavırýs jaǵdaıynda áleýmettik-ekonomıkalyq saladaǵy áreketimizdi jalǵastyrýymyz kerek»,- dedi ol baspasóz máslıhatynda.

Úkimettiń sońǵy málimetteri boıynsha, Japonııa halqynyń 49 paıyzy nemese shamamen 62 mıllıon adam COVID-19 vaktsınasynyń eki dozasyn alǵan.

Tótenshe jaǵdaı Tokıoda 12 shildeden bastap kúshine endi jáne kórermendersiz ótkizilgen Olımpıadalyq jáne Paralımpıadalyq oıyndar kezinde eki ret uzartyldy.

Tamyzdyń ortasynda búkil el boıynsha kúndelikti ınfektsııalardyń sany 25 myńnan asty, biraq sodan beri shamamen eki ese azaıdy, beısenbide 10,401 jaǵdaı tirkeldi.

Koronavırýstyń aldyn alý boıynsha úkimetke keńes beretin sarapshylar toby sársenbide tótenshe jaǵdaıdy aýrýhana tóseginiń tolýy 50 paıyzdan tómen bolǵan jaǵdaıda jáne aýyr nemese ortasha belgileri bar naýqastardyń sany azaıǵan kezde ǵana alyp tastaý kerektigin aıtty.


Basty sózder: Japonııa, Álemdegi koronavırýs,
Joǵary qaraı