Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jappaı ereýil kezinde tártip buzǵandarǵa sot qandaı úkim shyǵardy

2022 jyldyń 14 qańtar 2022 20:10

NUR-SULTAN. QazAqparat - Joǵarǵy sottyń baspasóz qyzmetiniń jetekshisi Aıdos Sádýaqasov jappaı tártipsizdik kezinde qansha adamǵa sot úkimimen jaza taǵaıyndalǵanyn aıtty, dep habarlaıdy QazAqparat.

«Tótenshe jaǵdaıǵa qaramastan respýblıkadaǵy barlyq sottar qoǵamdyq turaqtylyqty qalpyna keltirýge úles qosýda. Qazaqstan Respýblıkasy sottarynyń 2022 jyldyń basynan bastap beıbit sherýler men TJ rejımi týraly zańnamany buzýmen baılanysty ákimshilik quqyq buzýshylyq týraly qaraǵan isteriniń qysqasha statıstıkasyna toqtalyp óteıin» dep jazdy Aıdos Sádýaqasov Facebook paraqshasynda.


Onyń aıtýynsha, barlyǵy 7085 materıal qaraldy. 2947 qamaý, 2621 - eskertý, 1483 adamǵa aıyppul túrindegi ákimshilik jaza taǵaıyndalǵan.

Usaq buzaqylyq úshin (ÁQBtK-niń 434-baby) 8 adam, TJ rejımin buzǵany úshin (ÁQBtK-náń 476-baby) - 5168 adam, lańkestikke qarsy operatsııalar ótkizý aımaǵyndaǵy quqyqtyq rejımdi buzǵany úshin (ÁQBtK-niń 478-baby) - 140 adam, beıbit jıyndardy uıymdastyrý men ótkizý tártibi týraly zańdy buzǵany úshin (ÁQBtK-niń 488-baby) - 1757 adam, quqyq qorǵaý jáne arnaıy memlekettik organ qyzmetkeriniń (áskerı qyzmetshiniń) zańdy talabyna baǵynbaǵany úshin (ÁQBtK-niń 667-baby) - 8 adam, sot aktisin oryndamaǵany úshin (ÁQBtK-niń 669-baby) - 1 adam, qorǵaýǵa alynǵan nysandarǵa zańsyz kirgeni úshin (ÁQBtK-niń 506-baby) - 2 adam, jasóspirimderdiń zańdy ókilinsiz túngi ýaqytta oıyn-saýyq mekemelerinde nemese úıinen tys jerde júrgeni úshin (ÁQBtK-niń 442-baby) - 1 adam jaýapqa tartyldy.


Joǵary qaraı