Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jappaı tártipsizdikter: Qazaqstandyq kásipkerler nysandardy qaıta qalpyna keltirýge 2 mlrd teńge bóldi

2022 jyldyń 14 qańtar 2022 10:53

NUR-SULTAN. QazAqparat – Otandyq birneshe bıznes ókili birigip jappaı tártipsizdikterden keıin eldi qaıta qalpyna keltirýge 2 mlrd teńge qarjy bóldi, dep habarlaıdy QazAqparat tilshisi.

«Biz dostarymyzben birge kóptegen qaıyrymdylyq jobalarǵa qarjylyq qoldaý tanytamyz. Jeke, qoǵamdyq uıymdar, analar úıi, Iqanat jáne taǵy sol sııaqty. Al aýyr qaıǵyly jaıt bolǵanda, biz birigip, qol ushyn sozýǵa tyrysamyz. Eldegi jaǵdaıdan soń dostarymyzben aqyldasa kele 2 mlrd teńge qarjy bólý týraly sheshim qabyldadyq. Atalǵan qarajat biraz máseleni sheshýge septigin tıgizedi degen úmittemin. Árıne, bólinetin qarajat aldymen Almatyǵa, ondaǵy marqum bolǵan jandardyń otbasy men jaqyndaryna jumsalady. Sodan soń Shymkent, Taldyqorǵan, Taraz jáne taǵy basqa qalalarǵa baǵyttalady», - dep jazdy tanymal kásipker, «BI Group» kompanııasynyń basshysy Aıdyn Rahymbaev Instagram paraqshasynda.

Sondaı-aq, bıznesmen qazaqstandyqtardy qıyn sátte uıymshyl bolýǵa shaqyrdy.

«Sońǵy oqıǵalardan keıin altaý ala bolsa aýyzdaǵy ketedi degen sózdiń astarynda ne jatqanyn túsingendeımiz. Sondyqtan barlyǵymyz birigip, bir jaǵadan bas, bir jeńnen qol shyǵaryp, osy qıyndyqtardy da jeńetinimizge senemin. Kúshimiz birlikte. Jańa Qazaqstanymyzdy qurýǵa birge at salysaıyq», - deıdi ol.


Joǵary qaraı