Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jarqaıyń aýdany 95 paıyz ortalyqtandyrylǵan aýyz sýmen qamtylǵan - Aqmola oblysy

2021 jyldyń 26 qazan 2021 21:13

KÓKShETAÝ. QazAqparat – Aqmola oblysynyń Jarqaıyń aýdany halqynyń 95 paıyzy bir ortalyqtandyrylǵan aýyz sýmen qamtylǵan. Sonymen birge, qosymsha sý kózderi men ony taratý joldary qarastyrylýda. Bul týraly jýrnalıstermen ótken brıfıngte aýdan ákimi Janbolat Hamıtov málim etti, dep habarlaıdy QazAqparat tilshisi.

«Kostychevo jáne Gastello aýyldarynda aýyz sýdy tazartý stansalary ornatylsa, Birsýat aýylynda sýmen jabdyqtaý júıesiniń qurylysy aıaqtaldy. Sondaı-aq, Shoıyndykól aýylyndaǵy jelilerdi qaıta jańǵyrtý boıynsha baıqaý ótkizildi, jobanyń quny 484 mıllıon teńgeni qurady», - dedi aýdan ákimi Janbolat Hamıtov.

Qalany sapaly aýyz sýmen qamtamasyz etý úshin Derjavınsk qalasyndaǵy sýmen jabdyqtaý júıesin qaıta qurýǵa 400 mıllıon teńge bólindi. Jobanyń jalpy quny shamamen eki mıllıard teńgeni quraıdy.

«Qosymsha sýmen jabdyqtaýmen qalanyń ónerkásiptik aımaǵy, PMK-43 kentteri, munaı bazasy jáne gormolzavod qamtylady. Sonymen birge, qosymsha sý kózderi men ony taratý joldary qarastyrylýda. Qumsýat, Nahımovka jáne Barankól aýyldarynda aýyz sýmen jabdyqtaý jumystaryn qalpyna keltirý qajet. Bıyl biz Qumsýat jáne Nahımovka aýyldarynyń sýmen jabdyqtaý júıeleriniń qurylysyna jobalyq qujattama ázirleımiz», – dedi Janbolat Hamıtov.




Aýdan ákimi atap ótkendeı, Jarqaıyń aýdanynda jyl saıyn turǵyn úı-kommýnaldyq sharýashylyq salasyn damytý boıynsha kezeń-kezeńmen jumys júrgiziledi. Búgingi kúni eki qazandyqqa jóndeý júrgizildi, Derjavınsk qalasynyń №3 qazandyǵynyń tehnologııalyq jabdyǵy aýystyryldy. Ortalyqtandyrylǵan jylý júıesine 29 úı, 220 páter qosyldy. Jylytý maýsymyna 90 mıllıon teńgege 10 myń tonnadan astam kómir satyp alyndy.


Avtor Aslan Ospanov
Basty sózder: aýyz sý, Aqmola oblysy,
Joǵary qaraı