Aýa raıy
Astana -1 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Jarkenttegi jaǵymsyz ıistiń neden shyqqanyn anyqtaý úshin arnaıy komıssııa jolǵa shyqty

2020 jyldyń 6 tamyz 2020 10:12

NUR-SULTAN. QazAqparat - Ekologııa mınıstrliginiń arnaıy komıssııasy Jarkentke attanyp ketti, dep habarlaıdy QazAqparat tilshisi mınıstrliktiń baspasóz qyzmetine silteme jasap.

Baspasóz qyzmetiniń málimetterine qaraǵanda, jergilikti turǵyndar zaýyttyń tazartý qondyrǵylarynan aýaǵa taraıtyn jaǵymsyz ıiske birneshe ret shaǵymdanǵan.

«Biz qoqys jınalatyn súzý alańdaryn aralaǵan kezde, onda lastaýshy zattardyń jınalyp qalǵanyn baıqadyq. Odan keıin jergilikti qoǵamdastyq ókilderimen kezdesip, zaýytty araladyq. Bar másele onyń qalalyq, kommýnaldyq tazartý qyzmetine senip, jeke qoqys tazartý qurylǵysynsyz jobalanǵanynda bolyp otyr. Al 2018 jyly qalalyq kollektor lastaýshy zattardyń kóptiginen, bul isten bas tartqan. Kollektor mundaı kólemge qyzmet kórsete almaıtyn edi. Sondyqtan kompanııa kollektoryn salǵanymen, qaldyqty tazartpaı, tikeleı, súzý alańyna qubyr arqyly jiberip otyrǵan», - deıdi QR EGTRM Ekologııalyq retteý jáne baqylaý komıtetiniń tóraǵasy Zulfyhar Joldasov.

Nátıjesinde júgeri óńdeýden qalǵan qaldyqtyń kóp bóligi súzý alańyna jınalyp, byjyp, búlingen ıis shyǵara bastaǵan. Sóıtip, kúkirtsýtek shyǵaryndysy paıda bolyp, jergilikti turǵyndar budan zardap shegýde.

Ekologııa mınıstrligi júrgizgen tekserý barysynda kásiporynnyń tıisti ekologııalyq saraptamasyz jumys istegeni belgili boldy. Sol úshin oǵan kásiporynǵa aıyppul salyndy.

Sonymen qatar, Ekologııa mınıstrligi kásiporyndy jaqyn arada tolyqtaı tekserip shyǵý týraly sheshim qabyldap otyr. Shyǵaryndy deńgeıiniń shamadan asýy rastalsa, onda shyǵaryndy tógýge tyıym salýdan bastap, káiporyndy jabýǵa deıin másele qoıylady.

Budan basqa, mınıstrlik kásiporyn shyǵaryndysy tógilgen súzý alańyn qalpyna keltirýdi talap etýde.

Al kompanııa tazartý qurylystarynyń salynyp jatqanyn aıtyp, ony tamyz aıynda iske qosý josparlanyp otyrǵanyn habarlady. Kásiporyn óndiristi óz erkimen ázirge toqtata turady.

Óz kezeginde, Ekologııa mınıstrligi kásiporynǵa jergilikti ákimdikpen birlesip, tazartý nysandarynyń qurylysyn júrgizip, aıaqtaý, odan ári mindetti túrde súzilgen shyǵaryndyny ǵana tastaý, súzý alańyn qalpyna keltirý jónindegi jol kartasyn ázirleý týraly usynys aıtty. Qabyldanǵan sharalar týraly keıin tolyǵyraq habarlanady.


Joǵary qaraı