Aýa raıy
Astana 19 °S
Almaty 18 °S
valıýta baǵamy
USD 412.55
EUR 465.73
RUB 5.79
CNY 58.91

«Jarkenttikter» qylmystyq tobynyń jetekshileri ustalyp, sottaldy - UQK

2019 jyldyń 12 qarasha 2019 14:00

TALDYQORǴAN. QazAqparat - Taldyqorǵan qalasy mamandandyrylǵan óńiraralyq soty uzaq ýaqyt boıy qylmystyq qýdalaýdan jasyrynyp júrgen «Jarkenttikter» uıymdasqan qylmystyq top jetekshilerine qatysty úkim shyǵardy. Bul jóninde Ulttyq qaýipsizdik komıtetiniń baspasóz qyzmetine silteme jasap QazAqparat habarlaıdy.

Atap aıtqanda, J. Begimbetov QR QK 28-baby 3-bólimi , 194-baby 4-bólimi 1-tarmaǵy , 262-baby 1-bóliminde kózdelgen qylmystardy jasaǵany úshin kináli dep tanylyp, 6 jyl 6 aıǵa bas bostandyǵynan aıyryldy.

M. Nııazov joǵaryda kórsetilgen baptardan basqa, qosymsha QR QK 367-baby 4-baby, 392-baby 1-babynda kózdelgen qylmystardy jasaǵany úshin kináli dep tanylyp, 7 jyl merzimge sottaldy.

Eske sala keteıik, 2015-2016 jyldary UQK organdary kontrabandamen, syrtqy ekonomıka qyzmetine qatysýshylardan qorqytyp aqsha alǵan, alaıaqtyqpen aınalysqan Qazaqstan men Qytaı azamattarynan turatyn «Jarkenttikter» transshekaralyq qylmystyq tobynyń jolyn kesken bolatyn.

2016 jyly toptyń 27 múshesi, onyń ishinde olarǵa qamqorlyq jasaǵan keden qyzmetiniń laýazymdy adamdary ártúrli merzimge bas bostandyǵynan aıyrylǵan bolatyn. Alaıda olardyń jetekshileri J. Begimbetov pen M. Nııazov qylmystyq qýdalaýdan jasyrynyp, olarǵa halyqaralyq izdeý jarııalanǵan.

2018 jyldyń qyrkúıeginde M. Nııazov «Interpol» jelisi boıynsha Qyrǵyzstanda ustalyp, Qazaqstan Respýblıkasyna ekstradıtsııalandy. Al J. Begimbetov 2018 jyldyń qarashasynda Almaty oblysynda ustaldy.

Joǵary qaraı