Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jarylystan qırap qalǵan Qaınar mektebiniń ornyna 150 oryndyq bilim oshaǵy salynady

2021 jyldyń 1 qyrkúıek 2021 02:03

TARAZ. QazAqparat – Baızaq aýdanyndaǵy jarylystan zardap shekken ári tozyǵy jetken Qaınar aýylyndaǵy eski mekteptiń ornyna 150 oryndyq jańa mektep salynady, dep habarlaıdy QazAqparat tilshisi.

Jambyl oblysy Baızaq aýdanynyń turǵyndaryna kómek retinde jergilikti bıýdjetten qarajat bólinip, sondaı-aq kómek kórsetýge demeýshiler de tartylady. Bul týraly Jambyl oblysynyń ákimi B.Saparbaev málimdedi.

Búgin óńir basshysy B.Saparbaev QR Indýstrııa jáne ınfraqurylymdyq damý birinshi vıtse-mınıstri Qaıyrbek Óskenbaevpen birge qalpyna keltirý jumystarynyń barysymen tanysyp, aýyl turǵyndarymen kezdesý maqsatynda Baızaq aýdanynyń Qaınar aýylynda boldy.

«Sarapshy mamandar ár úıdi tekserip, qorytyndy jasady. Úılerińiz tolyqtaı qalpyna keltirilip, eki aı ishinde qonystanasyzdar. Biz sizdermen birgemiz. Eshkimdi kómeksiz qaldyrmaımyz», - dep sendirdi Berdibek Saparbaev.

Esterińizge sala ketsek, Baızaq aýdanynda tótenshe jaǵdaı kezinde búlingen nysandardy tekserý jáne qalpyna keltirý úshin 7 jumys toby quryldy.




Olardyń quramyna qurylys basqarmasynyń, QazQSǴZI, jobalaý uıymdarynyń qyzmetkerleri jáne TJ qyzmetkerleri tartylǵan.




«Memleket eki aı ishinde 124 nysandy, onyń ishinde 106 turǵyn úıdi qalpyna keltirýge mindetteme aldy. Olardyń 35-i kúrdeli jóndeýdi qajet etedi, qazirgi tańda 29 turǵyn úıde jóndeý jumystary bastaldy. Qalǵan 71 úıge aǵymdaǵy jóndeý jumystary júrgizilýde jáne bul jumystar 60 paıyzǵa oryndaldy. Sondaı-aq, 4 áleýmettik nysan qıraǵan, onyń úsheýine aǵymdaǵy jqndeý jumystary júrgizildi. Al, apatty jaǵdaıda turǵan Jibek joly aýylyndaǵy №5 orta mekteptiń eski mektep ornyna jańa 150 oryndyq mektep salý týraly sheshim qabyldandy»- dedi Jambyl oblysy ákiminiń keńesshisi Jandos Baıyrhanov.




«Bizdiń úıdi qalpyna keltirý jumystary júrgizilip jatqanyna úsh kún boldy. Jumysshylar kún saıyn tańǵy 9-da kelip, kesh batqanda qaıtady. Jóndeý jumystary bastalmaı turyp, qurylys jasaǵynyń baqylaýshysy (brıgadır) úıdiń tolyq qalpyna keltiriletinine sendirip, qandaı jumystar júrgiziletinin túsindirdi», - dedi Qaınar aýylynyń turǵyny Ósembaı Erkembaı.






Joǵary qaraı